د لاسرسي ځای

تازه خبر

طالبانو په پکتیا کې دیني عالم وژلی: حلیم فدايي


د پکتیا والي وايي، دیني عالم په څمکنیو ولسوالۍ کې وژل شوی

د پکتیا والي محمد حلیم فدايي وايي، وسله والو طالبانو په څمکنیو ولسوالۍ کې یو دیني عالم نیولی او وروسته یې وژلی دی.

نوموړي د جون پر ۲۴مه رسنیو ته وویل، مولوي فقیر محمد څمکنی د سیمې یو مشهور عالم وو چې د جون پر ۲۳مه وسله والو وویشت.

پر هم هغه ورځ طالبانو د څمکنیو ولسوالۍ د نیولو دعوه هم کړې وه.

د سیمې اوسېدونکي وايي، وسله والو هغه دیني عالم ځکه په نښه کړ چې په جګړو کې د وژل شویو افغان سرتېرو جنازې به یې کولې.

طالبانو لا په دې اړه څه نه دي ویلي.

XS
SM
MD
LG