په کابل کې د جون پر لومړۍ نېټه ماښام دوو چاودنو لږ تر لږه ۱۰ ولسي وګړي وژلي او ۱۲ نور یې ټپیان کړي دي.
ځايي پولیسو بېګا ناوخته په خبرپاڼه کې ویلي چې د مرګ ژوبلې شمېر ښايي بدل شي.
لومړۍ چاودنه ماښام ۷ بجې د اهل بیت جومات مخې ته د ولسمشر د امنیتي او سیاسي چارو د سلاکار، محمد محقق کور ته څېرمه پر یوه کوسټر موټر وشوه.
تقریباً یو ساعت وروسته بل کوسټر موټر باندې ورته چاودنه وشوه.
د دغو دوو چاودنو، چې څرنګوالی یې تراوسه معلوم شوی نه دی، مسوولیت چا نه دی منلی.
