د لاسرسي ځای

تازه خبر

سيند های کورټ د علي وزير ضمانت رد کړ


علي وزير د ۲۰۲۰ز کال ډېسېمبر ۱۶ باندې په پېښور کې نيول شوی وو. عکس-ارشېف

د سيند های کورټ چيف جسټس په مشرۍ دوه کسيزه بېنچ په قامي اسمبلۍ کې د جنوبي وزيرستان استازي علي وزير په ضمانت د خوشې کولو درخواست رد کړی دی.

عدالت د سږکال مارچ پر پینځمه نېټه د پښتون ژغورنې غورځنګ مخکښ علي وزير د ضمانت د درخواست په اړه فیصله خوندې کړې وه خو په اورولو کې يې ځنډ شوی وو.

د دې لپاره پښتون ژغورنې غورځنګ، د ټولنيزو رسنيو ځینو فعالانو او د پاکستان وکيلانو اتحاديې مشر لطيف اپرېدي له های کورټه غوښتنه کړې وه چې د ضمانت په اړه دې پرېکړې واوروي.

د هغه وکيل قادر خان اېډوکېټ مشال راډيو ته وويل چې د چیف جسټس علي احمد شیخ په مشرۍ جرګګۍ د جون پر لومړۍ نېټه د علي وزير د ضمانت درخواست رد کړی او د ده په وينا هغه به اوس له علي وزير سره تر مشورې کولو وروسته د عدالت د پرېکړې پرضد ښايي سپريم کورټ ته ولاړ شي.

د پېښور پولیسو د ۲۰۲۰ز کال د ډېسېمبر پر ۱۶مه وزیر پر ارمي پبلېک سکول په برید کې د وژل شویو زده کوونکو څلورم تلین تر غونډې وروسته نیولی وو. پولیسو ویلي ول چې هغه یې د سیند پولیسو په غوښتنه ګرفتار کړی.

کراچۍ احتجاج: د علي وزیر په ګډون د پي ټي اېم ګرفتار کسان دې پرېښودل شي
تم شئ

هېڅ میډیايي سرچینه اوس نشته

0:00 0:01:47 0:00

د سیند پولیسو پر علي وزیر تور پورې کړی چې د ډېسېمبر پر شپږمه یې د کراچۍ په سهراب ګوټ کې د پښتون ژغورنې غورځنګ جلسې پر مهال د ریاست ضد وینا کړې وه خو غورځنګ دا تور ردوي او وايي، په اییني او سوله ییزه مبارزه د پښتنو حقونه غواړي.

د علي وزیر تر ګرفتارۍ وروسته په کراچۍ کې د پښتون ژغورنې غورځنګ یوشمېر نور غړي هم نیول شوي ول چې وروسته عدالت په ضمانت خوشې کړل خو مقدمه یې له څه باندې پینځو میاشتو راهیسې روانه ده.

XS
SM
MD
LG