د افغانستان دفاع وزارت په جنوبي ولایتونو زابل او کندهار کې د نږدې ۴۰ طالبانو د وژلو ادعا کوي.
دغه وزارت نن په جلا جلا خبرپاڼو کې ویلي چې د دوی هوایي او ځمکنیو ځواکونو د زابل په میزان او شینکۍ ولسوالیو او دغهراز د کندهار په ارغنداب او میوند ولسوالیو کې عملیات کړي دي.
د دوی د ادعا له مخې زابل کې د عملیاتو پر مهال ۲۷ طالبان وژل شوي او ۱۸ نور ټپيان دي او کندهار کې ۱۲ طالبان وژل شوي او ۵ نور ټپیان دي.
وزارت د خپلو ځواکونو د مرګژوبلې په اړه څه نهدي ویلي.
پرون دفاع وزارت په شمالي ولایتونو فاریاب او بلخ کې طالبانو ته د همداسې درنې مرګژوبلې ادعا کړې وه.
طالبانو د پرونۍ او دغهراز نننۍ ادعا په اړه تر اوسه تبصره نهده کړې.
