افغان چارواکي ادعا کوي چې په ننګرهار کې د داعش ډلې د چاودنو مسوول وژل شوی دی.
د ننګرهار د ملي امنیت د ځانګړو ځواکونو "صفر دوه قطعې" د مارچ په ۱۶ مه نېټه په خبرپاڼه کې ویلي چې تېره شپه ځانګړو ځواکونو د شپني عملیاتو پر مهال د جلال اباد ښار د شپږمه ناحیې اړوند خالص فامیلیو کې د داعش ډلې د چاودنو مسوول د مقاومت پر مهال وژلی دی.
خبرپاڼه ادعا کوي چې وژل شوي کس څه موده وړاندې په چبرهار ولسوالۍ کې د محلي پولیسو په چیک پواینټ بمي چاودنه کړې وه چې پکې دوه پولیس وژل شوي ول..
