د اسد خان اڅکزي په جنازه کې ګڼو خلکو ګډون وکړ
د بلوچستان په چمن کې د عوامي نیشنل ګوند د یوه سیاستوال اسد خان اڅکزي مړی خاورو ته وسپارل شو. د فبرورۍ پر ۲۸مه د نوموړي جنازې ته د نورو ګوندونو سیاستوالان هم ورغلي ول. اڅکزی د ۲۰۲۰ز کال په سېپټېمبر کې تښتول شوی وو او د ۲۰۲۱ز کال د فبرورۍ پر ۲۷مه یې له کوټې سره نېږدې مړی وموندل شو. د بلوچستان صوبايي حکومت وايي، د نوموړي د تښتونې او وژنې په تور یې دوه کسان نیولي. د صوبې اعلا وزیر جام کمال ویلي، د اڅکزي د تښتونې او وژنې پوره پلټنې کوي او ککړو کسانو ته به هرو مرو سزا ورکوي. ویډیويي رپورټ.
د فېسبوک تبصرې