نن د دوشنبې ورځې له غرمې مخکې د خوست د صحرا باغ په سیمه کې د ولایتي شورا یو غړي سید اصغر اکاخېل په موټر پسې چاودنه شوې.
د خوست د ولایتي شورا رئیس کفیل ریحان مشال راډیو ته وویل، چې په دې چاودنه کې سید اصغر اکاخېل او دوه ساتونکی يې ټپیان شوي او دریم ساتونکی يې وژل شوی دی.
د نوموړي په وینا، د ولایتي شورا یاد غړی له خپل کور نه چې په ځاځي میدان ولسوالۍ کې دی، ښار ته خپلې دندې ته راتلو، چې په موټر پسې يې د صحرا باغ په سیمه کې چاودنه وشوه.
کفیل ریحان وویل، د ولایتي شورا غړي اصغر اکاخېل ټپونه ژور دي.
تر اوسه د دې چاودنې مسوولیت هېچا پر غاړه نه دی اخیستی.