د لاسرسي ځای

تازه خبر

امریکا د کووېډ-۱۹ د دوهم واکسين استعمال منظوري ورکړی


تر دې وروسته به امريکا د ماډرنا واکسينو منظوروونکی دویم غربي هېواد شي. ارشیف- انځور

د امريکايي پوهانو يوې ډلې حکومتي ادارې ته په بيړني ډول د کووېډ-۱۹ د دوهم واکسين د استعمال منظورۍ ورکولو سپارښتنې په حق کې ووټ ورکړی.

له دې سره د روانې اونۍ تر اخره د وېکسينو په میلينونو خوراکونو خلکو ته رسولو لپاره لاره برابرېږي.

د ډېسېمبر پر ۱۷مه د کمېټې۲۰ غړو د دې سپارښتنې په حق کې رايه ورکړه خو د کمېټۍ يوه غړي له ووټ ورکولو ډډه وکړه.

له دې کار سره د ماډرنا کمپنۍ واکسین په حق کې نېږدې ټولو په یوه خوله رایه ورکړل شوې.

تمه څرګندېږي چې اېف ډي اې په بیړني ډول د يادو واکسينو د استعمال منظوري ورکړي.

تر دې وروسته به امريکا د ماډرنا واکسينو منظوروونکی دوهم غربي هېواد شي.

د کورونا وایرس د مودرنا شرکت واکسین
د کورونا وایرس د مودرنا شرکت واکسین

دا فيصله په داسې حال کې شوې چې په امريکا کې د ډېسېمبر پر ۱۶مه له کووېډ-۱۹ ناروغۍ د مړو شمېر يو نوې ريکارډ جوړ شو.

د امريکا د جان هاپکينز پوهنتون د ډېسېمبر ۱۶مې شميرې ښايي چې هغه هېواد کې په تيرو ۲۴ ساعتو کې تر ۳۷۰۰ زيات کسان مړه شوي دي او تر دوه نيم لکه زيات کسان د کورونا وايرس څخه متاثره شوي دي چې پنځمه برخه يې په کېليفورنيا کې ده.

معلومات ښيي چې د کورونا وايرس کيسونو کې زياتوالې روان دی او له اوو ورځو راهيسې د هرې ورځې په حساب د مړينې اوسط کچه تر ۲،۵۰۰ زياته ده.

د کورونا وایرس د فایزر شرکت واکسین
د کورونا وایرس د فایزر شرکت واکسین

په امريکا کې د فايزر او بايو ټېک کمپنيو جوړ واکسين خلکو ته ورکول کېږي چې د ډېسېمبر ۱۶مه يې درېیمه ورځ وه.

په نړۍ کې د کووېډ-۱۹ تازه شمېرې

د امریکا جانز هاپیکز پوهنتون د شمېرو له مخې، تر ډېسېمبر ۱۸مې په ټوله نړۍ کې ۷۴،۹۸۳،۴۷۵ کسان په کورونا اخته شوي دي.

د یاد پوهنتون له معلوماتو سره سم، په نړۍ کې د کورونا وایرس ناروغۍ (کووېډ-۱۹) له وجې د مړیو شمېر ۱،۶۶۲،۶۷۹ ته رسېدلی دی. خو ۴۲،۳۷۱،۷۸۹ ترې بیرته رغېدلي هم دي.

په ناروغو او وژل شویو کې تر ټولو زیات په امریکا، هند او برازیل کې دي.

د کورونا وایرس لومړۍ پېښې د ۲۰۱۹ز کال په ډېسېمبر کې د چین په ووهان کې اعلان شوی چې د څو میاشتو په موده کې ناروغي د نړۍ تر شاوخوا هرې سیمې ورسېده.

په مارچ کې د روغتیا نړیوال سازمان د وایرس خپرېدو ته په کتو جهاني وبايي حالت اعلان کړ.

ځانګړې پاڼې

له موږ سره اړیکي

بښنه غواړو خو پر دې کار روان دی نو ځکه په لنډمهاله ډول کارېدای نشي. په یو څو منټونو یا دقیقو کې بیا هڅه وکړئ.

XS
SM
MD
LG