ارمينیا پر اذربایجان تور لګولی چې د نګورنو قره باغ د جګړې پر سر له شوي اوربنده یې سرغړونه کړې ده.
د ارمينیا د دفاع وزارت ویلي، اذربایجاني ځواکونو د دسمبر پر ۱۲مه پر هغو سیمو بریدونه کړي چې د ارميني ټبره ځواکونو له خوا ساتل کیږي.
د اذربایجان د دفاع وزارت بیا په یوه خبرپاڼه کې د ارمينیا پوځ په پاروونکو کړنو تورن کړی او ټینګار یې کړی چې اوربند نه دی مات شوی.
په سیمه کې د سولې تړون څارونکي د روس سوله ساتي پوځ له اوربنده د سرغړونو پخلی کړی خو دا یې نه دي ویلي چې کوم لوری ملامت دی.
دوی خبریالانو ته ویلي چې د وړو وسلو د ډزو غږونه یې ثبت کړي دي.
