د سرپل ولایت پولیس وايي، د طالبانو یوه ۱۵۰ کسیزه ډله له دولت سره یوځای شوه.
د سرپل د امنیه قوماندانۍ ویاند نور اغا فیضي د دوشنبې په ورځ مشال راډیو ته وویل، دغو کسانو د ګل احمد مرادي په مشرۍ په کوهستانات ولسوالۍ کې له دولت سره جګړه کوله، خو اوس یې له تاوتریخوالي لاس اخیستی.
د فیضي په وینا تسلیم شوي کسانو یو شمېر وسلې او مهمات هم درلودل.
طالبانو تر اوسه په دې اړه څه نهدي ویلي.
د سرپل کوهستانات ولسوالۍ له اوو کلونو راهیسې د طالبانو په کنټرول کې ده.
