د پاکستان وزيراعظم ويلي، تیاری يې نيولی چې په افغانستان کې له سولې راتلو سره سم له ډېورنډ کرښې سره مارکېټونه جوړ کړي.
عمران خان دا خبره د سېپټېمبر پر ۲۸مه نېټه د مومندو او باجوړ د سفر پر مهال کړې ده. هغه غونډې ته وينا پر مهال د افغان حکومت او طالبانو ترمنځ د مذاکراتو يادونه وکړه او ویې ويل چې په افغانستان کې د امن له راتلو سره به مينځنۍ اسيا ته تجارتي لارې خلاصې شي.
عمران خان زياته کړه، د سولې سره به د قبايلي سيمو خلکو لپاره د روزګار موقعې پېدا شي. د پاکستان وزيراعظم د سفر پر مهال د مومندو ناکۍ سورنګ او شېخ زید سړک پرانيسته وکړه.
