خبري اژانسونه وايي، په ټوله نړی کې د کورونا وایرس د کیسونو شمیر ۲۵ ملینو ته رسیدلی دی.
د اژانسونو په وینا، په هند کې بیا د کورونا د نویو ناروغانو شمیره پر زیاتېدو ده.
د امریکا جان هاپکینز پوهنتون د اګست پر ۳۰مه ویلي چې په نړۍ کې تر اوسه له کورونا وایرس څخه تر ۸۴۰۰۰۰ زیات کسان مړه شوي دي.
د هند د روغتیا وزارت ویلي چې هلته د اګست پر ۳۰مه ۷۸۷۶۱ کسان په دې وایرس اخته میندل شوي دي.
دا تر اوسه په نړۍ کې په یوه ورځ په یوه هیواد کې د نویو ناروغانو میندل کېدو تر ټولو لویه شمېره بلل شوې ده.
هند تر امریکا او برازیل وروسته د نړی هغه هېواد دی چې د کورونا وایرس پيښې پکې زیاتې دي. د دې درې واړو هېوادونو حکومتونه د کورونا وبا نه د متاثره کسانو لپاره د امدادي پيسو پروګرام د غځولو تیاری کوي.
