د لاسرسي ځای

تازه خبر

د انګور اډې لارې پرانستلو لپاره مظاهره شوې


د جنوبې وزیرستان خلک وايي، له افغانستان سره د کاروباري لارو پرانستل غواړو (ارشیف)
د جنوبې وزیرستان خلک وايي، له افغانستان سره د کاروباري لارو پرانستل غواړو (ارشیف)

د جنوبي وزیرستان په کرښه اباد د انګور اډې خلکو له افغانستان سره د کاروباري لارو د پرانستلو لپاره احتجاجي مظاهره کړې ده.

د سیمې قبایلي او کاروباري مشرانو د جون پر ۲۶مه د دې احتجاج پر مهال مشال راډیو ته وویل چې حکومت د کورونا وایرس له کبله د انګور اډې لاره له تېرو درې میاشتو راهیسې تړلې ده چې ورسره د دوی ژوند او کاروبار ډېر اغیزمن شوی دی.

مظاهرچیانو دړکه ورکړه چې که له افغانستان سره کاروباري لارې نه پرانستل کېږي نو بیا به دوی خپل احتجاجونه د صوبې ښاري سیمو ته هم وغځوي.

بلخوا د جنوبي وزیرستان ډپټي کمشنر حمیدالله خټک مشال راډیو ته ويلي چې حکومت لارې د وایرس مخنیوي لپاره تړلي دي او انتظامیه ګوري چې کله خطر راټیټ شي نو د انګور اډې لاره به پرانیزي.

د مشال ځانګړې پاڼې

XS
SM
MD
LG