ایران ویلي د هغې مسافر وړونکې اوکراینۍ الوتکې تور بکس د څېړنو لپاره پاریس ته لېږي چې د دغه هېواد ځواکونو ویشتلې وه.
ایراني چارواکو د ملګرو ملتونو د هوایي چلند ادارې ته ویلي، دوی به دغه بکس وروسته تر دې فرانسې ته ولېږي چې په څېړنه کې له ښکېلو هېوادونو سره هوکړې ته ورسېږي.
اوکراین او امریکا په دې څېړنه کې ښکېل هېوادونه دي.
دغه الوتکه د جنورۍ میاشتې په اتمه نېټه تهران ته نږدې په توغندي رانسکوره شوه چې ۱۷۶ کسان پهکې ووژل شول.
ایران ویلي، د دغې الوتکې د ثبت اله چاته نه سپاري.
