د بشري حقونو ځینو مدافعینو د ایراني پولهساتو ځواکونو لهخوا اوبو ته د یو شمېر افغانانو د وراچولو پېښه غندلې او د هر اړخیزې پلټنې غوښتنهیې کړې ده.
د بشري حقونو د څار سازمان د اسیا برخې مرستیاله پترېشیا ګاسمن په یوه لیکلي لنډکي پیغام کې ازادي راډیو ته وویل چې دا یوه "وحشتناکه" قضیه ده.
هغې وویل پخوا یې هم د ایران د سرحدي ځواکونو په لاس د افغانانو د ځورونې په اړه راپورونه ثبت کړي دي.
که څه هم د ایران د بهرنیو چارو وزارت رد کړه، خو افغان چارواکو ویلي چې د ایران پولهساتو ځواکونو لسګونه افغانان وهلي او بیا یې اوبو ته وراچولي چې له ډلې یې شااوخوا ۲۳ کسان مړه شوي.
دا پېښه د همدې اوونۍ په سر کې د افغانستان او ایران په پوله کې هرات سره نږدې شوې ده.
