د کډولو څارنې نړيوالې ادارې وايي، په نړۍ کې د نور هر وخت پرتله دا وخت تر ټولو زيات خلک بې کوره دي چې د کورونا وبا له کبله يې حالت نور هم له خطر سره مخامخ شوی.
په هېوادوونو دننه د بې کورۍ څارنې مرکز او ناروېژېن کډوالو شورا د اپرېل پر ۲۸مه ویلي دي چې په ۲۰۱۹ز کال کې د جګړو او قدرتي افتونو له امله ۳۳.۴ ميليونه خلک په خپلو هېوادونو کې دننه بې کوره شوي وو چې ورسره دا مهال د بې کوره کسانو شمېر ۵۰،۸ ميلنيونه ته رسېدلی.
په هېوادونو دننه کډوالو شمېر له هغو ۲۶ ميليونه زيات دی چې نورو هېوادونو ته کډه شوي دي.
په هېوادونو دننه د بې کورۍ څارنې مرکز زياتوي چې په ملک دننه کډوال شوي کسان چې د ګڼې ګڼو په کېمپونو کې صحت اسانتياوې لږې يا بيخي نه لري او کورونا وايرس ته ډېر حساسه دي .
