د افغانستان عامې روغتیا وزارت وايي چې په تېرو ۲۴ ساعتونو کې د کورونا وایرس ۴۰ نوې مثبتې پېښې ثبت شوي.
دا خبره د یاد وزارت ویاند وحیدالله مایار د اپرېل پر نهمه په یوه اعلامیه کې کړې ده.
د هغه په خبره په دې سره په ټول افغانستان کې د کورونا وایرس د مثبتو پېښو شمېر ۴۸۴ ته رسېدلی دی.
تازه پېښې ۱۰ په کابل، ۱۴ په نیمروز، ۷ په کندهار، ۴ په پکتیا، ۲ په بامیان، ۲ په بلخ او یوه په لوګر کې ثبت شوې دي.
د عامې روغتیا وزارت د څرګندونو له مخې یوازې یو کس په ۲۴ ساعتونو کې بېرته روغ شوی او په ټول هېواد کې د هغو کسانو شمېر چې درملنه یې شوې او روغ شوي ۳۲ ته رسېږي.
