د لاسرسي ځای

تازه خبر

له کرونا وایرسه دمړیو شمېر ۶۵۱۳ کسانو ته ورسېد


روغتیایي چارواکو په چین کې پردغه وایروس د اخته شویو کسانو شمیر۸۰ زره او۸۶۰ تنه ښودلی دی.​

په نړۍ کې د لومړي ځل لپاره په کرونا وایرس د اخته کسانو او د دغه وایرس له امله د مړو شویو شمېر له هغه چې په چین کې ثبت شوي، واوښت.​

د امریکا د جان هاپکنس د پوهنتون د شمېرو له مخې له چینه بهر له ۸۷ زرو زیات کسان د کرونا پر وایرساخته شوي دي.

روغتیایي چارواکو په چین کې پردغه وایرسد اخته شویو کسانو شمیر۸۰ زره او۸۶۰ تنه ښودلی دی.​

د نویو شمېرو له مخې دغه رازد لومړي ځل لپاره د کرونا وایرس له امله په نوره نړۍ کې د مړو شویو شمېر هم له چین اوښتی.

تراوسه د دغه وایرس له امله ۶۵۱۳ کسان مړه شوي دي.​

د دغه ویروس چټکې خپریدا د نړۍ د اقتصادي ځوړ یا رکود خطر زیات کړی ځکه ډیر سوداګریز فعالیتونه موقتاً په ټپه دریدلي او د هیوادونو مرکزي بانکونه هم دې ته اړ شوي چې په مالي بازارونو کې د ویرې د خپرېدو د مخنیوي لپاره جدي اقدامات وکړي. ​

په اروپا کې چې په دې وروستیو کې د روغتیا نړیوال سازمان هغه د کرونا وایرسد خپرېدو د ثقل مرکز یاد کړی، ډیرو هېوادونو په ورځنیو چارواو تګ راتګ سخت محدودیتونه وضع کړي.

ډیرو هیوادونو د دغه وایرسد خپریدو د مخنیوي لپاره نړیوال پروازونه محدود کړي دي.​

هسپانیا چې له ایټالیا وروسته ډیره کورونا وایرس ځپلې، نن بیړنی حالت اعلان کړ.

د دې هېواد ډیرې سیمې به چې د پنځلسو ورځو لپاره قرنطین شوې وې، تریوه نامعلوم وخته پورې قرنطین وي او دغه راز دولت یي پردې هم غورکوي چې خپلې پولې وتړي.​

په هسپانیا کې پروکرونا وایرسد اخته شویو کسانو شمېر نژدې اتو زرو ته رسېدلی او ۲۹۴ تنه یې هم له امله مړه شوي دي.​

د راپورونو له مخې فرانسه ښایي د پاریس په ګډون دوه ښارونه قرنطین کړي​

بریتانیا چې ډیر فعالیتونه یې بند کړي په پام کې لري پرلویو غونډو بندیز ولګوي.​

ایتالیا چې له چین وروسته په نړۍ کې د کرونا د مثبتو پیښو دوهم ځای خپل کړی په دې هېواد کې نژدې ۲۵ زره کسان پر دغه وایرساخته شوي دی.​

د امریکا لویو ښارونو د کرونا وایرسد مخنیوي لپاره د یولړټولنیزو فعالیتونو د بندولو اعلان کړی دی.​

نیویارک او لاس انجلس چې د امریکا لوی ښارونه ګڼل کېږي، اعلان وکړ چې رستورانتونه، بارونه، کلپونه او تیاترونه په موقت ډول بندوي.​

د نیویارک ښاروال بیل دي بلاسیو وویل، دغه وایرسد دې ښارد اوسېدونکو په منځ کې چې په رستوانتونو، بارونو او نورو ځایونو کې چې نژدې سره کیني، د همدغو نژدې ناستو له لارې په چټکۍ خپریږي.

د هغه په وینا موږ باید دغه دود ودرو.​

په نیویارک کې دغه بندیزونه تر نامعلوم وخته له سبا عملي کیږي خو په لاس انجلس کې هغه سمدستي عملي کیږي او د روانې میاشتې تر پایه به دوام کوي.​

لاس انجلس دغه راز اعلان کړی چې سپورټی جمنازیمونه به هم بندیږي خو نیویارک ويلي چې د دې ښار عمومي ښوونځي تړي.​

په لاس ویګاس کې چې د کازینوګانو اصلي مرکزدی او هرکال له ۴۰ میلیونو زیات سیلانیان ورڅخه لیدنه کوي، ټولې کازینوګانې ترنامعلوم وخته تړل شوي دي.​

میامي چې د امریکا یو مشهور تفریحي ځای دی او د پسرلي په رخصتۍ کې محصلین ډیر ورځي، پولیسو یې سواحل تړلي دي.​

د امریکا په پلازمینه واشنګټن ډي سي کې اکثره موزیمونه او نور تفریحي ځایونه د روانې میاشتې ترپایه تړل شوي دي.​

ډاکټرانتونیو فاوچي چې د عفوني ناروغیو متخصص دی وایي د کرونا وایرسد مخنیوي لپاره باید په ټوله امریکا کې د ۱۴ ورځو په مخه هرڅه تړل شوي وای.​

امریکا په اوس وخت کې په نړۍ کې د ډیرو کرونا ځپلو هیوادونو په ډله کې اتم ځای لري.

په دې هیواد کې ۳۷۷۴ کسان پرکورنا وایرساخته شوي دي.​

په اروپا کې ایتالیا چې له مخکې ټول ځایونه تړلې او د راپورونو له مخې هسپانیا او فرانسه هم په پام کې لري چې د روانې اونۍ په پای کې ورته اقدامات اعلان کړي.

له چین وروسته چې د کرونا وایرساصلي سرچینه ده، ایتالیاپه نړۍ کې د کورونا د مثبتو پیښو دوهم ځای خپل کړی.

نژدې ۲۵ زره کسان پردغه وایرساخته شوي دی.

په هسپانیا کې اته زره او په فرانسه کې پنځه زره کسان پرکورونا اخته شوي دي.​

په چین کې پرکرونا وایرسد اخته شویو کسانو شمېر له اتیازرو اوښتی خو دې هیواد ویلي چې د سختو تدابیرو په نتیجه کې یې اوس د دغه ویروس د چټکې خپریدا مخه ډب کړې ده.​

د کورونا ویروس خپریدو چې د نړۍ پر بازارونو یې ډیر اغیزکړی، په امریکا کې به چې د نړۍ تر ټولو لوی اقتصادي قدرت دی، دغه نوي اقدامات نړۍ پر اقتصاد لا منفي اغیز وکړي.​

د اقتصاد د خوځښت او د بازارانو د پیاوړي ساتلو لپاره د امریکا فدرالي خزانې اعلان کړی چې سود به صفرته راښکته کړي او د ارزښت پاڼو په رانیولو سره به ۷۰۰ میلیارده ډالره بازارته عرضه کړي.​

د کرونا وایرسد خپریدو د مخنیوي د هڅو په ترڅ کې دغه راز په پام کې ده چې د اوو سترو صنعتي پرمختللي هیوادونو جي اوه مشران نن د دغه وایرسد خپریدو د مخنیوي په اقداماتو خبرې وکړې.​

سپینې ماڼۍ وویل چې په دغه ویډیوي کنفرانس کې مشران د دغه وایرسد مخنیوي پر ګډ اقدام خبرې وکړې.​

په جي اوه کې، متحده ایالات، کاناډا، فرانسه، جرمني او ایټالیا شامل دي.​

په اوس وخت کې متحده ایالات د جې اوه دوره یي مشري په غاړه لري.​

ځانګړې پاڼې

له موږ سره اړیکي

XS
SM
MD
LG