د لاسرسي ځای

تازه خبر

سعودي د خاشقجي پنځو قاتلانو ته د مرګ سزا اورولې


د سعودي وژل شوی خبریال جمال خاشقجي
د سعودي وژل شوی خبریال جمال خاشقجي

د سعودي عرب یوه عدالت د خبریال جمال خاشقجي د وژنې په کېس کې پنځه کسانو ته د مرګ سزا ورکړې ده.

د سعودي سرکاري وکیل نن اعلان وکړ چې درې نورو کسانو ته یې ۲۴،۲۴ کاله د بند سزا هم واوروله.

د پروسږ کال په اکتوبر میاشت کې په ترکیه کې د سعودي سفارت دننه د خاشقجي وژنې د نړیوالو غوسه راپارولی وه.

امریکایي استخباراتو ویلي ول چې خاشقجي د سعودي شهزاد محمد بن سلمان په امر وژل شوی دی خو ریاض د دې ملامتیا پر سرکښه سعودي استخباراتي چارواکو اچوي.

سرکاري وکیل دا هم وویل چې د شهزاده پخوانی لوی مشاور سعو ال قاحتاني د خاشقجي په وژنه کې لاس نه لرلو. امریکا پر ال قاحتاني د خاشقجي د وژنې په عملیاتو کې د رول په وجه بندیزونه لګولي دي.

ریاض دغو مشکوکو سعودي وګړو ته د مرګ سزا ورکولو عدالتي کارروایي پټه چلولې.

د مشال ځانګړې پاڼې

XS
SM
MD
LG