د لاسرسي ځای

تازه خبر

په لندن کې یو تن په چاقو دوه تنه وژلي دي


د پېښې د ځای برید
د پېښې د ځای برید

برتانوي چاواکي وايي تيره ورځپه چاقو د دوو کسانو په وژلو تورن کس مخکې هم د ترهګرۍ په جرمونو کې د بند سزا تيره کړې وه.

دوي وايي دې کس په مبينه توګه پلان درلودو چې په پاکستان کې د ترهګريزې جنګي روزنې مرکزخلاص کړي.

چارواکو د نومبر پر ۳۰مه د دې مشکوکه بريدګر پيژندګلوي د ۲۸ کلن عثمان خان په نامه کړې ده.

دا پيښه د نومبر پر ۲۹مه ماسپښن دوه بجې د لندن پر پله رامنځته شوې وه.

پوليسو دا مشکوک کس له هغه وروسته په ډزو وواژی چې ده د چاقو په ګزارونو يوه ښځه او يو سړی ووژلو او يو سړی او دوه ښځې يې ژوبل کړې.

پوليس وايي دا مشکوک کس يو جعلي بارودي خود کش واسکټ هم اچولی وو.

د پولیسو مرستيال کمشنر نيل باسو ويلي چې چارواکو دا کس پيژندوچې په ۲۰۱۲م کال کې د ترهګرۍ په جرمونو کې هم سزا شوی وو خو بيا د ۲۰۱۸م کال په دسمبر میاشت کې په مشروط ډول خوشی شوی وو.

بل پلو د هالېنډ په هېګ ښار کې هم د خریدارۍ په يوه کوڅه کې يو تن په چاقو درې کسان ژوبل کړي دي.

د ښار پوليس په يو ټويټ کې ليکلي چې د نومبر پر ۲۹مه د دې پېښې تر رامنځته کېدو وروسته په سيمه کې بيړني خدمات پېل شوي دي.

پوليس وايي د يو داسې تن په لټون دي چې عمر يې د ۴۵ او ۵۰ کلونو ترمنځ دی.

په پېښه کې د ژوبل شوو کسانو حالت او د بريد تر شا محرکات لا هم څرګند نه دي.

د مشال ځانګړې پاڼې

XS
SM
MD
LG