د افغانستان د سولې لپاره د امریکا ځانګړي استازي زلمي خلیلزاد په کابل کې له افغان ولسمشر اشرف غني ، اجراییه رییس عبدالله عبدالله او نورو لوړو پوړو چارواکیو سره کتلي دي.
نن په کابل کې د امریکا د سفارت له خوا په یو بیان کې ویل شوي چې نوموړي افغان حکومت ته د خپلو هغه خبرو اترو په اړه مالومات ورکړل چې په دې وروستیو کې يې لهخپلو متحدینو، ملګرو او سیمې له حکومتونو سره کړي دي.
زلمي خلیلزاد د پخوانیو چارواکو، مدني فعالانو او دیني عالمانو سره هم وکتل او له هغوي سره يې د سولې د هلو ځلو په اړه مالومات شریک کړل او د هغوي مشورې يي واوریدی.
نوموړي پر دې مهال وویل چې امریکا په افغانستان کې د جنګ پاي ته رسولو لپاره د سیاسي جوړ جاړي مرسته کوي او دا چې د تل پاتي امن پر ځاي کولو لپاره په تشدد کې کموالی اړین دی.
