افغان کومانډو ځواک وايي، د هلمند ولایت په نهرسراج ولسوالۍ کې یې د طالبانو له یوه زندانه ۱۳بندیان ژغورلي دي.
د کومانډو د ځانګړو عملیاتو قول اردو په یوه خبرپاڼه کې چې د اکتوبر پر څلورمه سهار خپره شوه، وايي چې دا کسان د نهر سراج ولسوالۍ په دین محمد کلي کې د طالبانو پر زندان د عملیاتو پرمهال راخوشې شول.
په خبرپاڼه کې راغلي چې افغان کومانډو ځواک په وروستیو څو میاشتو کې لسګونه ولسي وګړي او افغان سرتېري د ترهګرو له ظلم څخه ژغورلي دي او دې کار ته به دوام ورکړي.
