د ترکیې سرکاري رسنۍ وايي، د سېپټمبر پر۲۵مه په ادانا صوبه کې د سړکغاړې چاودنې له وجې د پولیسو په بس کې ناست پینځه تنه ټپیان شوي دي.
د صوبې ګورنر محمد دیمیرتاس انادولو خبري اژانس ته ویلي، دا چادونه په باروتو شوې ده.
نوموړي زیاته کړه، په ټپیانو کې یو پولیس افسر هم شامل دی.
د سي این این ټېلېویژن ترک څانګې یوه ویډیو خپره کړي چې پکې د ادانا صوبې په یوریګیر سیمه کې د یو پله لاندې بس او نورو ګاړو ته زیان رسیدلی دی.
تر اوسه دا نه ده معلومه چې د پېښې تر شا څوک لاس لري.