د لاسرسي ځای

تازه خبر

د کوټې وکیلان د اتم اګست ناورین لمانځي


د اتم اګست پېښې (۲۰۱۶) د وژل شویو وکیلانو انځورونه چې د انځورګر شرجیل بلوڅ کښلي د بلوچستان های کورټ ودانۍ کې نندارې ته اېښودل شوي. ۲۰۱۷ز کال اتم اګست
د اتم اګست پېښې (۲۰۱۶) د وژل شویو وکیلانو انځورونه چې د انځورګر شرجیل بلوڅ کښلي د بلوچستان های کورټ ودانۍ کې نندارې ته اېښودل شوي. ۲۰۱۷ز کال اتم اګست

د بلوچستان په مرکز کوټه کې د ۲۰۱۶ز کال د اګست اتمې د وژل شویو وکیلانو په ویر کې نن پنجشنبه په دغه صوبه او غونډ ملک کې وکیلانو کاربندیز کړی دی.

درې کاله وړاندې د کوټې په لوی سرکاري روغتون کې د یوه ویشتل شوي وکیل د پوښتنې لپاره پر راټولو شویو وکیلانو ځانمرګی برید شوی وو چې پکې د دې شاته پاته صوبې د دوو خبریالانو په ګډون شااو خوا ۵۴ وکیلان له منځه ولاړل او ګڼ پکې ژوبل شوي هم ول.

د کوټې اتم اګست قربانیان باید تل یاد وساتل شي
تم شئ

هېڅ میډیايي سرچینه اوس نشته

0:00 0:04:02 0:00

د اګست پر اوومه نېټه په کوټه کې د شهید بازمحمد کاکړ فاونډیشن تر سیوري لاندې د هغې خونړۍ پېښې یادغونډه کې د وژل شویو وکیلانو خپلوانو، سیاسي کارکونکیو او وکیلانو په خپلو ویناګانو کې وویل چې د پښتنو په سیمو کې د ترهګرۍ خونړیو څپو د ژوند هره برخه وځپله خو د د اتم اګست د وکیلانو ویر او غم نه هېرېدونکی دی.

د غونډې په څنګ کې له مشال راډيو سره په خبرو کې د اتم اګست په ناروین کې د وزل شوي یوه وکیل اېمل خان وطنیار پلار تاج محمد دوست غوښتنه وکړه چې د سپریم کورټ د چیف جسټس قاضۍ عیسا پر هغه رپوټ دې ولس ته په ډاګه کړل شي: ''د دوست په خبره په هغه رپوټ کې قاضي عیسا د ټولو ښکېلو اړخونو یا ملوثو خلکو ذکر کړی دی، د هغوی نشاندهي شوې ده. نو ځکه [موږ غواړو] چې د قاضي عیسا کمېشن دې په ډاګه کړل شي او د وکیلانو له کورنیو سره به همدا تر ټولو غوره انصاف وي.''

پر دې مهال د عوامي نیشنل ګوند صوبايي صدر اصغر خان اڅکزي له مشال راډيو سره په خبرو کې وویل په هغه ناوړه پېښه کې د بلوچستان یو ځلیدلی سباون تر یوه پلان لاندې له منځه یووړل شو. دی وايي دا یوه داسې طبقه په شهادت ورسول شوه چې د دې وطن د راهنمايي خلک ول، دا د سبا په لیکه کې ولاړ ججان ول، او ټول د دغه صوبې د غریبو کورنیو هغه خلک ول چې د خپلو میندو-پلرونو او وروڼو په زیار او ډېر محنت او د لکونو لکونو روپیو په لګښت تر دې ځایه را-رسېدلي ول.

په کوټه کې پر اتم اګست د وژل شوو خپلوان له حکومته مرستې غواړي
تم شئ

هېڅ میډیايي سرچینه اوس نشته

0:00 0:03:46 0:00

د شهید بازمحمد کاکړ فاونډیشن تر سیوري لاندې غونډې برخوالو له حکومته غوښتنه وکړه چې د اتم اګست د شهیدانو له کورنيو سره د مرستو کړې ژمنې دې پوره کړي، د دوی په وینا لا یې هم کورنیو ته حکومتي مرستې نه دي رسېدلي.

په کوټه کې نن (اتم اګست) وکیلان، پښتونخوا ملي عوامي پارټۍ او عوامي نېشنل پارټۍ د اتم اګست یادغونډې کوي. بلخوا د پاکستان بار کونسل په غوښتنه هم نن (اتم اګست) په ټول ملک کې د وکیلانو کاربندیز دی چې پکې د ۲۰۱۶ز کال د اګست اتمې د کوټې وژل شویو وکیلانو لمانځنه، له کشمیریانو او ورسره د سپریم کورټ د دوو ججانو جسټس قاضي فایز عیسا جج کریم خان اغا سره پیوستون ښودل دي.

وکیلان له حکومته غوښتنه کوي چې د یادو دوو ججانو خلاف راوړي سرکاري ریفرنسونه دې بیرته واخلي ګنې په غونډ ملک کې به په احتجاجونو لاس پورې کړي. سږ کال په مې میاشت کې د ولسمشر عارف علوي په امر د دواړو ججانو خلاف کېسونه پرانستل شول. پر دوی تور دی چې په بهر ملکونو کې یې شتمنۍ نه دي په ډاګه کړې خو ججان دا تورونه ردوي.

XS
SM
MD
LG