د لاسرسي ځای

تازه خبر

د جماعت الدعوه مشر حافظ سعيد ګرفتار


د جماعت الدعوه مشر حافظ سعيد

د پاکستان په پنجاب کې د ترهګرۍ ضد ادارې په دغه هېواد کې د جماعت الدعوه مشر حافظ سعيد نيولی دی.

د پنجاب قانون صوبايي وزير محمد بشارت راجه د مشال راډيو له خبریال بشیر ګواښ سره په ځانګړو خبرو کې وويل چې له ترهګرو سره په مالي مرسته تورن حافظ سعيد له لاهوره د ګوجرانوالې ښار ته پر لار نيول شوی دی.

د تېرې دوشنبې په ورځ د لاهور يوه عدالت د هغه د نيول کېدو مخکې ضمانت منظور کړی وو. خو راجه وايي حافظ سعيد په يو بل کېس کې نیول شوی دی خو دا یې و نه ویل چې په کومه مقدمه کې.

د حافظ سعيد د نيول کېدو خبر په داسې مهال مخې ته راځي چې وزيراعظم عمران خان راتلونکې اونۍ امريکې ته ځي. همداراز د د تورو پیسو مينځلو او له ترهګرو سره د مالي مرستو څارونکې نړېوالې ادارې اېف اې ټي اېف پاکستان په خړ لیست کې اچولی او د اکتوبر په مياشت کې بله ارزونه کوي چې ایا پاکستان له خړ ليست څخه تور ليست ته واچوي او کنه!

''د حافظ سعید نیونه امریکا ته د عمران خان له تګ سره تړاو لري''
تم شئ

هېڅ میډیايي سرچینه اوس نشته

0:00 0:02:50 0:00
د ډاېرېکټ لېنک

حافظ سعید د جمات الدعوا مشر دی چې پرې په ۲۰۰۸ز کال په ممبۍ کې د ترهګرو بریدونو تورونه دي. د هغه د ډلې پر ځینو نورو مشرانو هم له ترهګرو ډلو سره د مالي مرستو په تړاو مقدمې درج شوي دي.

په ۲۰۱۴ز کال امریکا جماعت ادعوه د نرهګرو ډلو نوملړ ته واچوله او پر هغې یې مالي بندیزونه ولګول. د امریکا لخوا د حافظ سعید په باب مالومات ورکوونکي ته د یو کروړ ډالرو انعام ورکولو ېپشکش کړی وو. له هغه پس په ۲۰۱۵ز کال کې پاکستان اعلان وکړ چې د جماعت الدعوه په ګډون د هغو ټولو تنظیمونو شتمنۍ یې کنګل کړې دي چې ملګرو ملتونو بندیزونه پرې لګولي.

''حافظ سعید نیول کېږي نه، داوړ او وزیر پرېښودل کېږي نه''

تبصرې وګورئ (۱)

XS
SM
MD
LG