د خېبر پښتونخوا د ملاکنډ ډويژن پولیس وايي، په بونېر کې یې د عملیاتو پر مهال یو تن وژلی او بل یو یې ژوندی نیولی دی.
دا خبره د ملاکنډ د ډي ای جي محمد سعيد خان د اپرېل پر۳۰مه ماښام په یو خبرپاڼه کې کړې ده.
خبرپاڼه لیکي، په عملیاتو کې وژل شوی وسله وال هغه کس دی چې د اپرېل پر ۲۵مه یې په بونېر کې د ګوزڼ (پولیو) کارمندانو پر ژغورنه ګومارلی یو پولیس سرتېری وژلی وو.
د وژل شوي وسله وال د پېژندګلو په اړه لا څه نه دي ویل شوي.
د خبرپاڼې په وینا، په دې عملیاتو کې د پولیس یو تن ټپي شوی هم دی.
