د لاسرسي ځای

تازه خبر

چمن کې پر واکسیني ډلې په برید کې یوه ښځه وژل شوې، بله ژوبله


په بلوچستان کې تر دې مخکې هم پر واکسیني ډلو بریدونه شوي

کوټه - د بلوچستان په چمن کې وسله والو د پولیو واکسیني ډلې پر کارکوونکو ډزې کړې دي چې پکې یوه ښځه وژل شوې او بله ژوبله ده.

د سیمې یوه انتظامي مشر سید سمیع الله اغا مشال راډیو ته وویل، پېښه د اپرېل پر ۲۵مه غرمه مهال په سلطانزي کلي کې شوې.

تر پېښې وروسته امنیتي سرتېري سیمې ته ورسېدل او د لټون عملیات یې پیل کړل.

اغا وویل، دی هم د پېښې ځای ته ورسېد او پلټنې یې پیل کړې دي چې معلومه کړي چې د روغتیايي کارکوونکو د امنیت څه ډول اقدامات شوي ول.

په کوټه کې د واکسینونو ادارې د بیړنیو حالاتو د څانګې په وینا، وژل شوې ښځه نسرین نومېده او ۳۵ کلنه وه.

دې ادارې د ژوبلې ښځې نوم رشیده ښودلی او وايي چې هغه ۲۴ کلنه وه.

د بلوچستان د کورنیو چارو وزیر ضیا الله لانګو دا یو ترهګر برید بللی او د وزیراعلا جام کمال ویلي دي چې پر ښځو برید د اسلامي او قبایلي روایاتو خلاف کار دی.

چارواکو په چمن کې تر دې پېښې وروسته هلته د پولیو واکسیني کیمپېن ځنډولی دی.

دا په تېرو درو ورځو کې پر روغتیايي کارکوونکو درېیم برید دی.

د اپرېل پر ۲۴مه د خیبر پښتونخوا په بونېر او پر ۲۳مه په بنو کې په ورته بریدونو کې دوه پولیسان وژل شوي ول.

د درېواړو حملو ذمه واري چا نه ده منلې.

د مشال ویډیوګانې، انځورونه

انځورونه، ویډیوګانې

هغه نجلۍ چې د هلک په نامه یې زده کړې کړي
تم شئ

هېڅ میډیايي سرچینه اوس نشته

0:00 0:03:20 0:00
تفصیل...
XS
SM
MD
LG