پراګ ـ د روغتیا نړیواله اداره (ډبلیو ایچ او) وايي د لیبیا د سرښار طرابلس د کنټرول لپاره د مخالفو ډلو ترمنځ جګړه کې لږ تر لږه ۱۲۱ کسان وژل شوي دي.
یادې ادارې د اپریل پر ۱۴مه، وویل د یوې ملیشې ډلې لخوا چې ځان ته د لیبیا قامي پوځ وايي، د طرابلس ښار د نیولو لپاره، د اپریل له ۵ مې شروع شوو بریدونو کې ۵۶۱ کسان ژوبل شوي هم دي.
په لیبیا کې د روغتیا د نړیوال سازمان دفتر په خپل ټویټر پیغام کې ویلي، دوی طرابلس ته درمل او روغتیايي کارکوونکي استوي. نوموړې ادارې په دې جګړه کې، په روغتیايي کارکوونکو او د هغوي په ګاډو مسلسل بریدونه غندلي دي.
لیبیا د دوو مخالفو حکومتونو تر منځ په ختیځ او لویدیځ ویشل شوی او دواړو حکومتونو ته د ملیشه وو ملاتړ تر لاسه دی.
د لیبیا د قامي پوځ نومې ملیشه چې خلیفه حفتار یې مشري کوي، د طرابلس د حکومت پلوه ملیشې سره په جنګ اخته ده.
دغه حکومت ته د ملګرو ملتونو ملاتړ هم تر لاسه دی خو خلیفه حفتار نړیوالې خبردارۍ له پامه غورځولي او پر طرابلس یې بریدونو ته دوام ورکړی دی.
ملګرو ملتونو دا اوونۍ ویلي چې د دې جګړې له وجې له ۸۰۰ زیات خلک بې کوره شوي هم دي.