امریکايي چارواکیو په واشنګټن کې د روسیې او چین له استازو سره د افغانستان په چارو خبری کړي دي.
د امریکا د بهرنیو چارو وزارت د مارچ پر ۲۲مه په یو بیان کې وویل چې د دریو واړو هېوادونو استازو د مارچ پر۲۱ مه او ۲۲ مه په واشنګټن کې سره ولیدل او افغانستان کې د امن، سوکالۍ او امنیت لپاره په ګډو هڅو د خیالاتو تبادله وکړه.
په بیان کې راغلي چې دری واړه هېوادونه په دغه اړه د نوربحث لپاره په بیا راغونډیدو رضا شو چې د نیټې او ځای په اړه به يې پریکړه وروسته کېږي.
په بیان کې دا نه دي ویل شوی چې په خبرو کې کومو چارواکیو برخه واخسته خو د مارچ پر ۲۰ د بهرنیو چارو وزارت ویلي وو چې د افغانستان لپاره د امریکا ځانګړی استازې ځلمی خلیلزاد به له روسي او چینايي چارواکیو سره ویني.
