په شمالي کوریا کې خلک نن رايې اچوي او تمه ده چې د ووټ اچولو شرح سل فيصده وي.
په دغه هېواد کې ورکرز پارټۍ په واک کې ده او خلکو سره دغه ګوند ته د رايې اچولو پرته بله لاره نشته. دا د شمالي کوريا مشر کيم جون اون په واک کې دويم وار دي چې انتخابات ترسره کېږي. په شمالي کوريا کې ټاکنې هر پنځه کاله پس کېږي.
د شمالي کوريا سرکاري خبري اژانس يو چارواکې ويلي دي چې پنځه کاله وړاندې د ووټ اچولو شرح 99.97 فیصده وه او یوازې هغه کسان پاتي شوی وو چې سمندر کې يې کار کاوه.
