د ترکي ، روس او ایران ترمنځ تر لوظنامه وروسته د ترکي ځواکونو د شام په ادلیب صوبه کې ګزمې پیل کړې دي.
د ترکي سرکاري خبري اژانس انادولو د مارچ پر نهمه د دفاع د وزیر حلوسي اکار له خولې لیکلي چې د ترکي ځواکونه د ترکي له پولې سره نېږدې د ادلیب د شمال څخه د حلب د شمال جنوبي برخې پوری ګزمې کوي او د روس ځواکونه به د ادلیب څخه بهر په سرحدي سیمو کې فعالیتونه پرمخ وړي.
نوموړي زیاته کړې چې دا ګزمې په ادلیب کې د قرارۍ او اوربندۍ د دوام لپاره یو مهم ګام دی.
د یادونې وړ ده چې د فبرورۍ پر۱۴مه د روس په سوچي ښار کې د ترکي، ایران او روس د مشرانو ترمنځ د په سیمه کې له ځواکونو د پاکې یوې برخې ټاکلو په اړه د لوظنامې پر حتمي کولو خبرې شوې وې.
