د لاسرسي ځای

تازه خبر

هند کې بې کیفیته شرابو له ۱۳۰ زیات کسان وژلي


د هند په یو روغتون کې د غیرمعیاري الکوهلو د څښلو له وجې د اغېزمنو شویو درملنه روانه ده.

پراګ ـ هندي چارواکي وايي، په شمال ختیځ صوبه اسام کې په غیر قانوني توګه د جوړو شوو شرابو د څښلو له وجې لږ تر لږه ۱۳۳ کسان مړه او شاوخوا ۲۲۵ نورپه روغتونونو کې تر درملنې لاندې دي.

پولیس چارواکي مکیش اګروال د فبرورۍ پر ۲۴مه وویل، په اغېزمنو شویو کسانو کې زیاترو په ګولاګهاټ او جورهات ضلعو کې د چایو په کارخانه کې کار کاوه.

پولیسو او د روغتیا چارواکو ویلي، دغو کارکوونکو د فبرورۍ پر ۲۱مه داسې الکوهل څښلې وو چې پر اعصابي نظام اغېز کوي.

پولیس چارواکي اګروال ویلي، د شرابو جوړولو د ځايي کارخاني مالک او په لسګونه نور کسان نیول شوي دي. د چارواکو په خبره، د پولیسو لخوا د پېښې پلټنې دوام لري.

د اسام د روغتیا وزیر همانتا بسوا شرما ویلي، د غیر معیاري شرابو جوړوونکيو خلاف به اقدامات کوي او تر شا یې چې هرڅوک لاس ولري دوی به یې له نیولو او محاکمه کولو درېغ و نه کړي.

په هند کې چې غربت زیات دی او ډېری خلک ګران بیه معیاري شراب نشي اخېستی د داسې ارزانو شرابو څښل عامه خبره ده. ځايي خلک دې ته دیسي شراب وايي او د څښلو په وجه یې تر دې مخکې هم دا ډول مرګونې پېښې مخې ته راغلې دي.

په ۲۰۱۱ کال کې د هند لویدیځ بنګال ایالت کې په ورته پېښه کې ۱۷۲ کسان وژل شوي وو.

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG