په بلوچستان کې د ګوزڼ ضد مخنیوي لپاره کمپاین نن[د فبرورۍ پر۲۰مه] په درېمه ورځ هم روان دی.
د بلوچستان صحت محکمې چارواکي وايي، د کوټې په ګډون به په ۳۲ ضلعو کې تر ۲۵ لکه زیاتو ماشومانو ته دا څاڅکي ورکوي.
بل پلو په اورکزۍ قبایلي ضلع کې د درند شیخانو قبیلې د احتجاج په توګه خپل ماشومانو ته د ګوزڼ څاڅکو له ورکولو انکار کړی دی.
دوی وايي، تر هغه وخته به دې احتجاج ته دوام ورکوي ترڅو چې حکومت د کانډا کلي د مځکې شخړه نه وي هواره کړې.
هلته د دوو قبیلو پر مځکه سره جنجال دی. د حکومتي چارواکو غبرګون مخې ته نه دی راغلی.
