پراګ - د پاکستان په لاهور کې یو ځايي خبریال رضوان رضي دادا ناڅرګندو کسانو له ځان سره بېولی دی.
د نوموړي زوی د هغه پر ټویټر پاڼه لیکلي دي چې پلار یې لومړی په یو تور موټر کې وړل شوی او تر یو څه سفر وروسته د رېنجرو په موټر کې کښېنول شوی دی.
دی وايي چې دا پېښه نن سهار [ د فبروري نهمه] رامنځ ته شوې ده.
د رېنجر ځواک له خوا تر اوسه په دې اړه غبرګون مخې ته نه دی راغلی چې رښتیا یې هم دا کار کړی دی که نه.
رضي دادا لاهور مېشتی مشر خبريال دی چې د پاکستان پر حکومتي تګلارو به يې ځېنې وخت نيوکې کولې.
