د شمالي وزیرستان بې کوره کړل شوي کډوال له حکومته غوښته کوي چې د مرستو پیسې دې ورته بحاله کړي.
دوی د فبرورۍ پر اوومه په پېښور کې د خیبر پښتونخوا ګورنر دفتر مخې ته د مظاهرې پر وخت مشال راډیو ته وویل، حکومت د ستنېدو پیسې هم نه دي ورکړې.
بې کوره کړل شوي وزیرستانیان وايي، حکومت د ټېلېفون سیم کارډونو په ذریعه شاوخوا ۱۸۰۰ کورنیو ته وعده شوې مالي مرستې نه دي ورکړې.
د خیبر پښتونخوا چارواکو د دې وزیرستانیانو د پرونۍ مظاهرې او غوښتنو په اړه څه نه دي ویلي خو تر دې مخکې وفاقي او صوبايي حکومتونو په بیا بیا ویلي چې د هغوی ضرورتونه پوره کوي.
ياده دې وي چې په شمالي وزيرستان کې په ۲۰۱۴م کال د وسله والو ضد پوځي عملياتو له کبله په لکونو کسان بې کوره شوي چې لا هم ځينې کډوال دي.
