په داسې حال کې چې په بیجینګ کې د پینځه مهمو اټومي طاقتونو غونډه کېږي، امریکا پر روسیې او چین غږ کړی چې د خپلو اټومي پروګرامونو په اړه نور سپیناوې وکړی.
دغه دوه ورځنی کانفرانس نن [جنورۍ پر۳۰مه] پیل شو چې موخه يې د اټومي وسلو د خوریدو مخنیوې دی.
په دې غونډه کې له بیجینګ، ماسکو او واشنګټن سره سره له لندن او پیرسه هم سفیران برخه اخلي.
د بیجینګ کانفرانس په داسې وخت کې کېږي چې د امریکا او پخواني شوروي اتحاد ترمنځ د اټومي وسلو مخنیوي تړون د ماتېدو په درشل کې دی.
د امریکا بهرنیو چارو مرستیال سېکرېترې اندریا تامپشسن د غونډې پرانستو وینا کې ویلي چې د این پي ټي په نوم د اټومي وسلو خورېدو مخنیوي تر تړون لاندې د شفافیت ډېرولو لپاره د ترسره شویو هلو ځلو نتیجې یو شان نه دي.
واشنګټن او ناټو دواړه پر روسیه له تړونه د سرغړونو تورونه پورې کوي.
روسیې دغه تورونه رد کړي دي.
