د لاسرسي ځای

تازه خبر

خبرونه

د لېنډزي ګراهم په مشرۍ امریکايي پلاوي له پاکستانیو چارواکو سره لیدلي

امریکايي سېنېټر لېنډزي ګراهم (له کېڼې خوا لومړی) له پلاوي سره اسلام اباد ته تللی

اسلام اباد ـ د پاکستان د بهرنیو چارو وزارت وايی، د جنورۍ پر ۲۰مه د امریکا د سېنېټ د عدلیې د کمېټۍ مشر لېنډزي ګراهم او د پاکستان د بهرنیو چارو وزیر شا محمود قریشي ترمنځ په لیدنه کې پر دوه اړخیزه معاملاتو، پر سیمه ییزو او نړیوالو حالاتو او د افغانستان په چارو خبرې وشوې.

د پاکستان د بهرنیو چارو وزارت وايي، له سېنېټر ګراهم سره په دې سفر کې یو پلاوی هم ملګری دی. دواړو خواوو د تجارتي اړیکو په غښتلي کولو هم خبرې کړې دي.

تر دې وړاندې د افغانستان د سولې لپاره د امریکا ځانګړی استازی زلمی خلیلزاد هم د جنورۍ پر ۱۷مه اسلام اباد ته تللی وو او په دغه سفر کې یې د پاکستان له وزیراعظم عمران خان، د بهرنیو چارو له وزیر شا محمود قریشي او د پوځ له مشر جنرال قمرجاوید باجوه سره کتلي وو.

ټاکل شوې چې ګراهم د جنورۍ پر ۲۰مه له وزیراعظم عمران خان سره هم وویني.

د نننۍ ورځې ټول خبرونه وګورئ

امریکايي او اروپايي ډپلوماټان پر ایران غږېږي

د ایران لپاره د امریکا لوړ پوري استازی براین هوک.

د ایران لپاره د امریکا ځانګړی استازی، براین هوک د جون پر۲۷مه د ایران پر موضوع د فرانسې، جرمني او برتانیا له لوړ پوړو ډپلوماټانو سره خبرې کوي.

دا په داسې حال کې ده چې اروپایي هېوادونه په دې هڅه کې دي چې د ځواکمنو هېوادونو او تهران ترمنځ په ۲۰۱۵ م کال کې شوی اټومي تړون له ختمېدو وژغوري.

د تړون اروپایي شریکان د تهران او واشنګټن ترمنځ د کړکېچ کمولو او ایران له تړونه د نه وتلو کوشش کوي. امریکا په ۲۰۱۸ز کال له دغه تړونه وتې ده.

په ملګرو ملتونو کې د ایران سفیر پرون پر برتانیې،فرانسې او جرمني غږ وکړ چې تړون د ژغورنې لپاره پروخت عملي ګامونه واخلي. تهران ویلي د جون له ۲۷ مې به د یورانیمو غني کولو پر دوی لګول شوي محدودیتونه مراعات نه کړي.

کندهار نښته: څلور پولیس او ۱۵ وسله وال شوي

په کندهار کې د افغان ځواکونو عملیات.

د کندهار په خاکریز ولسوالۍ کې د امنیتي ځواکونو او وسله والو طالبانو ترمنځ په نښته کې څلور پولیس او پنځلس وسله وال طالبان وژل شوي.

د کندهار خاکریز امنیه قومندان نظر علي ازادي رادیو ته وویل چې وسله والو طالبانو بېګا شپه د خاکرېز ولسوالۍ په ډب خاکریز سیمه کې پر امنیتي پوستو بریدونه وکړه.

د نظر علي په وینا دغه نښتې چې تر سهار يې دوام کړي پرمهال ېې څلور پولیس او ۱۵ وسله وال طالبان وژل شوي، دوه پولیس او د دوو قومندانانو په ګډن اته وسله وال طالبان ټپیان شوي دي.

وسله والو طالبانو په دغه جګړه کې د ۱۴ پولیسو د وژل کېدو او یوه پولیس د ژوندي نیول کېدو ادعا کړې.

د ایران رهبر د امریکا بندیزونه بې‌رحمانه ګڼلي

د ایران ستر مشر ایت‌الله علی خامنه‌اي

د ایران رهبر د امریکا متحده ایالاتو بندیزونه بې‌رحمانه ګڼلي او وایي چې د ایران ولس له بې‌رحمۍ سره مخامخ شوی دی.

ایت‌الله علي خامنايي په چارشنبه په تهران کې قضایي چارو کارمندانو کو ته په خپله وینا کې وویل: "د دغسې یوه دولت تر ټولو رټل شوې څېرې د ایران ملت تورنوي، هره ورځ چې تېرېږي د ایران ملت ته یوه سپکه وایي. د ایران ملت د دې خبرو پروا نه‌ کوي، د ایران ملت د دې سپکو او ناوړو خبرو له کبله پر شا نه‌ ځي."

خامنايي دا خبرې په‌ داسې وخت کې کړې دي چې د امریکا ولسمشر ډونالد ټرمپ په دوشنبه پر ایران نوي بندیزونه ولګول چې له مخې یې د ایران په لسګونه اربه ډالر کنګلېږي.

ناټو په بروکسل کې د افغانستان پر سوله او امنیت بحث کوي

د ناټو نښان

د ناټو دفاع وزیران او شریکان‌ یې په پنجشنبه په بروکسل کې د افغانستان پر سوله او امنیت ږغږېږي.

په‌ دې غونډه کې د افغانستان دفاع وزارت سرپرست اسد الله خالد، د غوڅ ملاتړ ماموریت عمومي قوماندان جنرال سکاټ مېلر، په افغانستان کې د ناټو ملکي استازی نیکلاس کې، د ملګرو ملتونو، اروپایي ټولنې او نړیوال بانک استازي هم برخه اخلي.

په بروکسل کې د ناټو د دفاع وزیرانو غونډه په چهارشنبه پیل شوه، خو نن یې افغانستان ته ځانګړې کړې ده.

د ناټو عمومي منشي د جون پر ۲۶مه په بروکسل کې له ازادي راډيو سره په خپلو څرګندونو کې طالبان بین‌الافغاني خبرو ته وهڅول.

د جنوبي وزیرستان امیدوارانو د ممکنه بریدونو په اړه سرکاري اعلامیه وغندله

په جنوبي وزیرستان د امیدوارانو کمپاین، عکس له ارشیفه.

د جنوبي وزيرستان ځينو اميدوارانو د ضلعې انتظامیې پر هغه اعلامیه نیوکې کړې چې پر انتخاباتي کمپاين د ممکنه بريدونو په باب یې جاري کړې ده.

په قبايلي ضلعو کې د جولای پر شلمه انتخابات کېږي او په هغو سيمو کې انتخاباتي هلي ځلي رواني دي. د جنوبي وزيرستان ځينو کانديدانو په سېشنبه مشال راډيو ته وويل چې په سيمه کې له وړاندې ۱۴۴دفعه لګېدلې ده او بايد انتظاميه دا اعلامیه واپس واخلي. د سيمي يو کانديد تاج وزير وويل:

"د کمپین پر وخت دغه ډول نوټیفیکشن ګرسره حوند نه کوي. دا پر انتخاباتو اثرات اچوي، پر کمپاین اغېز کوي."

د جنوبي وزيرستان مرستيال کميشنر نعمان افضل اپرېدی وايي، د انتخاباتو لپاره يې امنيتي ګامونه پورته کړي دي او کانديدان دې په کراره خپل انتخابې کمپاين کوي.

د ننګرهار د حج مدیر ووژل شو

د افغانستان د ننګرهار د والي ویاند عطاالله خوږیاڼی وایي، د جون پر ۲۷مه شاوخوا ۱۲نیمې بجې د جلال اباد ښار لومړۍ ناحیې اړوند د ارشاد، حج او اوقافو ریاست اړوند د حج مدیر قاري هدایت الله هجران ناڅرګندو وسله والو په ډزو وواژه.

د ذکر وړ ده چې قاري هجران د ښه ترنم ویوونکی شاعر هم و.

د پېښې مسوولیت چا نه دی منلی.

په افغانستان کې دوه امریکايي سرتېري وژل شوي

په افغانستان کې پر امریکايي سرتېرو مخکې هم بریدونه شوي

امریکايي پوځ وايي، په افغانستان کې یې دوه سرتېري وژل شوي

پوځ په یوه بیان کې ویلي چې دا سرتېري د جون پر ۲۶مه، له وسله والو سره د جګړې پر مهال وژل شوي خو د پېژندګلوۍ په اړه یې څه نه دي ویلي.

په بیان کې دا هم نه دي ویل شوي چې دا پېښه چېرې شوې.

له دې سره سږ کال په افغانستان کې د وژل شویو امریکایي عسکرو شمېر شپږو ته ورسېد.

دا تر هغې وروسته ده چې د جون پر ۲۵مه د امریکا د بهرنیو چارو وزیر مایک پامپیو کابل ته په یو ناڅاپي سفر کې وویل، چې واشنګټن هیله من دی چې د ۲۰۱۹ز کال د سېپټېمبر تر لومړۍ له طالبانو سره یوې هوکړې ته ورسي.

په هرات کې د افغان پوځیانو پر پوسته وسله وال برید شوی

د هرات په ګلران ولسوالۍ کې د وسله والو برید دوام لري.

د هرات پولیسو ویاند عبدالاحد ولیزاده د جون پر ۲۶مه مشال راډیو ته وویل، وسله والو په ولسوالۍ کې د پوځیانو پر پوستو برید له شپې راهیسې روان دی.

دی تاییدوي چې په پېښه کې افغان پوځیانو ته مرګ ژوبله اوښتې خو دقیق شمېر یې نه وايي.

اخوا د سیمې یوه چارواکي د نوم نه ښودو په شرط ویلي، چې په حمله کې اته افغان پوځیان وژل شوي او ۱۲ ژوبل دي.

ګلران له ایران او ترکمنستان سره پوله لري او د هرات یوه ستراتيژیکه ولسوالي بلل کېږي.

وسله والو لا پر دې موضوع څه نه دي ویلي خو په تېرو وختونو کې یې هم په دې ولسوالۍ کې فعالیتونه کول.

د 'کابل خطرناک مجرم' خراسانی ونیول شو: رحیمي

عبدالحمید خراساني

د افغانستان کورنیو چارو وزارت ویاند نصرت رحیمي مشال راډيو ته وويل چې خراساني د هېواد او سیمې پر کچه له خطرناکو او لویو مجرمینو څخه یو دی.

د رحيمي په وینا خراساني د جون پر ۲۵مه په داسې حال کې ونيول شو چې نن يې غوښتل په کابل ښار کې د لاریون پر مهال له پولیسو سره نښته وکړي.

د رحیمي په وینا عبدالحمید خراسانی د کورنیو چارو وزارت د مجرمینو په لېست کې شامل و او څو ځلي يې له پولیسو سره نښته کړې ده.

د کورنیو چارو وزارت په وینا، خراسانی له سوداګرو په باج اخېستلو، په ګڼو سړي تښتونو، وژنو، شوکو، لار ـ نيولو او په زورواکۍ تورن دی.

رحيمي زیاته کړه چې خلکو ته د ښکنځلو، د بې احترامي، د افغانستان ملي بیرغ ته د اور ورته کولو جرمونه له هغو جرایمو دي چې خراسانی مستقیم لاس پکې لري.

د خېبر پښتونخوا اپوزیشن په بجټ کې برخه غواړي

عکس له ارشیفه

د خېبر پښتونخوا اپوزیشن ګوندونه وایي، حکومت ورته د راروان مالي کال لپاره په بجټ کې د پرمختیایي کارونو لپاره برابره برخه ور نکړه.

د اپوزیشن مشر اکرام خان دراني او عوام نېشنل ګوند پارلېماني مشر سردار حسېن بابک د حکومت پر تعلیمي پروژو نیوکې وکړې.

په اسمبلۍ د ټانک استازي محمود خان بیټني مشال راډیو ته وویل، د ده په حلقه کې د پاکو اوبو ستونزه ده چې حکومت ورته بیخي کمی پیسې ځانګړی کړې.

صوبایي وزیر تیمور سلیم جګړه مشال راډیو ته وویل په بجټ کې یې ټولو حلقو ته یوشان پیسې ځانګړی کړي دي.

خېبر پښتونخوا حکومت د راتلونکي مالي کال لپاره شاوخوا ۹۰۰ اربه روپۍ بجټ وړاندې کړې او په دې کې یې ۲۳۶ اربه روپۍ پکې پرمختیایي کارونو ته ځانګړې کړې دي.

نیب دې توپیري چلند نه کوي: میا افتخار

د عوامي نشنل ګوند مرکزي جنرل سیکرټري میا افتخار حسېن

عوامي نېشنل ګوند پلویانو د جون پر۲۴مه په پېښور کې د قامي احتساب ادارې د دفتر مخې ته مظاهره وکړه او غوښتنه یې کوله چې اداره دې د هر چا او ګوند په اړه دې د یو شان احتساب وکړي.

مظاهرې ته په وینا کې د ګوند مرکزي سېکرېټري میا افتخار حسېن تور ولګاوه چې اداره دې د احتساب په عمل کې توپیري چلند نه کوي.

بلخوا د خېبر پښتونخوا د قانون او پارلېماني چارو وزیر سلطان محمد خان مشال راډیو سره په خبرو کې پر نېب د توپیري چلند کولو تور رد کړ او ویې ویل، اداره د ټولو یو شان احتساب کوي.

نېب ادارې هم په بیا بیا ویلي چې بې له توپیره د احتساب عمل پرمخ بیایي.

جمعیت علما اسلام ف ټول ګوندیزه غونډه رابللې

د ۲۰۱۸م کال د جولای پر ۲۷ تر ټول ګوندیزه غونډه وروسته خبري کنفرانس. عکس له ارشیفه

جمعیت علما اسلام (ف) وایي، د جون پر۲۶مه د مولانا فضل الرحمان په مشرۍ په اسلام اباد کې یوه ګڼ ګوندیزه غونډه کېږي.

ګوند د جون پر ۲۵مه په یو بیان کې وویل، د حکومت پروړاندې تحریک چلول، د سېنېټ مشر بدلول، بجټ منظورۍ ته نه پرېښودل او ځینې نور موضوعات د غونډې په اجنډا کې دي.

په بیان کې راغلي دي چې پیپلز ګوند، مسلم لیګ (ن)، عوامي نېشنل پارټۍ، پښتونخوا ملي عوامي ګوند، متحده مجلس عمل او نېشنل پارټۍ په غونډه کې ګډون کوي.

د پاکستان تحریک انصاف حکومت تر جوړیدو وروسته دا لومړی ځل دی چې د اپوزیشن لوی ګوندونه دا ډول غونډه کوي.

بنګله دېش له افغانستان وګټله

شکيب الحسن او مشفق الرحيم

په انګلېنډ کې روان پنځوس اووريز کرکټ نړيوال جام کې بنګله دېش افغانستان ته ماتې ورکړه. د جون په ۲۴مه په ساوتامپټن کې شوې دا لوبه د افغانستان ۷مه سيالي وه چې بايلي يې.

افغان لوبډلې لومړې د بالينګ کولو پرېکړه وکړه. بنګله دیش د ٧ لوبغاړو په اوټېدو ٢٦٣ منډې هدف وټاکه. مشفق الرحيم ۸۳ منډې جوړې کړي. په ځواب کې يې ټول افغان لوبغاړي په دوو سوو منډو اوټ شول.

د بنګله دېش شکيب الحسن ځکه د لوبې غوره لوبغاړی شو چې هغه ۵۱ منډې وکړي اوبيا يې پنځه افغان لوبغاړي اوټ کړل.

بنګله دیش د ٢٠١٥ کال په نړیوال جام کې هم افغانستان مات کړی و. د افغان لوبډلې راتلونکې لوبه را روانه شنبه د جون په نهه ویشتمه له پاکستان سره ده.

افغانستان یوه بله وروستۍ لوبه هم لري چې هغه به له ویسټ انډیز سره وي. د ٢٠١٩ کال د کرکټ نړیوال جام د انګلستان او وېلز په کوربه توب روان دی.

امریکا غواړي چې د ايران پر وړاندې يو نړيواله ټلواله جوړه کړي

د امريکا د بهرنيو چارو وزير مایک پامپیو

د امريکا بهرنيو چارو وزير وايي، غواړي چې د ايران په تړاو يوه نړيواله ټلواله رامنځ ته کوي.

مايک پامپيو پیکشنبه دا خبره په داسې حال کې وکړه چې سعودي عرب او متحده عرب اماراتو ته په سفر روانېده.

دغه هېوادونه په فارس خليج کې د امريکا دوه سني عرب متحدان دي.

مايک پامپيو په واشنګټن کې د خپل سفر تر پيل مخکې وويل: موږ به له دوى سره پر دې خبرې کوو چې څنګه يقيني کولاى شو چې څو ټول په ستراتيژيک لحاظ همغږي واوسو او څنګه کولاى شو چې يو نړيوال ایتلاف جوړ کړو، داسې ایتلاف چې نه يوازې د خليج په هېوادونو، بلکې په اسيا او اروپا کې هم د نړۍ په سطحه د ترهګرۍ د تر ټولو لوى ملاتړي (ايران) پرضد فشار ته چمتووالى ولري.

د امريکا د بهرنيو چارو وزير د ولسمشر ډونالد ټرمپ خبره تکرار کړه، هغه دا چې واشنګټن له تهران سره له قيد او شرط پرته مذاکرو ته چمتو دى، څو د دواړو رقيبانو ترمنځ ولاړ شوى کړکېچ کم شي.

دا کړکېچ وروسته له هغې شديد شو چې امريکا تېر کال د ٢٠١٥ م کال له اټومي تړون څخه ووتله او پر تهران يې بيا اقتصادي بنديزونه ولګول.

د وزیر اعظم بایش پرضد په پراګ کې لسګونه زره کسان راوتي

چېک جمهوريت په پلازمېنه پراګ کې لاریون

لسګونو زرو کسانو په یکشنبه د چېک جمهوريت په پلازمېنه پراګ کې مظاهره وکړه او د وزیر اعظم اندرې بابیش د استعفا غوښتنه یې وکړه.

دا په ۱۹۸۹ کال په دې هېواد کې د کمونېست رژیم تر ړنګیدو راهیسې تر ټولو لویه مظاهره ده چې د تنظیموونکو په وینا، دونیم سوه زره کسانو ګډون پکې کړی و.

د دغو مظاهرو یوه سمبالوونکي او د ډموکراسۍ لپاره د میليوني غورځنګ مشر میکولاش مینر وویل: موږ له اندرې بابیشه غواړو چې استعفا وکړي.

په لېتنا پارک کې دا مظاهره، په ۱۹۸۹ کال کې د کمیونیزم تر نسکورېدو وروسته تر ټولو لویه هغه وه.

له دې وړاندې هم په وروستیو څو اونیو کې په چېک جمهوریت کې د وزیراعظم خلاف یو لړ وړې مظاهرې شوې دي. ۶۴ کلن اندرې بابیش د درغلۍ او له خپلې څوکۍ د شخصي ګټو اخيستو له تورونو سره مخامخ دی خو هغه یې ردوي.

د چېک څارنوالانو په ۲۰۱۸ کال کې وزیراعظم بابیش د اروپايي ټولنې لخوا د ورکړل شوې د ۲.۲۴ میلیونو ډالرو سبسیډۍ په ناسم استعمال محاکمه کړی وو.

خو د چېک وزیراعظم ایندری بابیز پر ده لګیدلي دواړه تورونه رد کړي او ویلي یې دي چې ده کوم غلط ګام نه دی پورته کړی.

له شامیانو پس افغانانو په اروپایي هېوادونو کې ډېره پناه غوښتې

ارشیف، یو شمېر افغان پناه غوښتونکي ځوانان

په ۲۰۱۸ ز کال له شامیانو پس ډېرو افغانانو د اروپایي ټولنې په غړیو هېوادونو کې پناه غوښتې.

د اروپايي ټولنې پناه ورکولو چارو ادارې EASO د دوشنبې په ورځ وویل چې په ۲۰۱۸ کال کې نږدې ۶۶۵ زره کسانو په اروپایي هېوادونو کې د پناه اخیستو غوښتنې کړي چې د وړم ۲۰۱۷ کال په نسبت په سلو کې لس کموالی ښیي.

د شامیانو شمېر ۸۵ زره او د افغانانو ۴۷ زره او ۲۵۰ تنه ښودل شوی.

جرمني بیا هم د اروپایي اتحادیې هغه هېواد بلل شوی چې ډېرو کسانو ورته د پناه غوښتنه کړې، په دوهم ځای کې فرانسه ورپسې یونان، اېټالیا او هسپانیا دي.

د اېتوپیا وزیراعظم وايي د کودتا هڅه یې شنډه کړې

د اېتوپیا وزیراعظم وايي، د هېواد په یوه سیمه کې یې د کودتا هڅه ناکامه کړې.

ابي احمد د جون ۲۲مې شپه ناوخته دولتي خبري اژانس ته وویل چې د کودتا هڅه په امهره سیمه کې د پوځ یوه جنرال او نورو پوځیانو وکړه.

دی زیاتوي، په عملیاتو کې ځېنې کسان وژل شوي او ژوبل دي خو نور معلومات یې نه دي ورکړي.

په عین وخت کې د وزیراعظم یوې ویاندې د جون پر ۲۳مه، وویل چې هم د شنبې یا خالي پر ورځ د اېتوپیا د پوځ مشر په پلازمېنه ادیس ابابا کې وژل شوی دی.

په پلازمېنه کې امریکايي سفارت ویلي، د جون پر ۲۲مه د ډزو له رپورټونو خبر دی.

اېتوپیا په سیمه کې د امریکا مهم ملګری هېواد دی.

د تورو پیسو د سپینولو قانون باید ولس ګټه واخلي: عمران خان

د پاکستان وزیر اعظم عمران خان.

د پاکستان وزيراعظم عمران خان وايي ولس باید د ټېکس ايمنسټي سکيم یا تورو پیسو سپینولو قانون څخه ګټه واخلي او ملک له قرضو راوباسي.

عمران خان د جون پر ۲۱مه ولس ته په خپله وينا کې وويل: "مسله اوس د ټېکس يا ماليې د غله ده. که ولس له حکومت سره په شريکه له قرضو د وتو پريکړه نه کوي نو موږ له دې قرضونو نشو راوتې"

د پاکستان وفاقي کابينې د تورو پیسو سپینولو قانون منظور کړی چې له مخې يې د سرکاري نوکرانو پرته هر پاکستانی وګړی کولای شي چې د څلور فيصده ټيکس په ورکولو سره خپلې تورې پيسې سپينې کړي.

په ازبکستان کې مذهبي برداشت ښه شوی دی: پامپیو

د امریکا د بهرنیو چارو وزارت وزیر مایک پامپیو. عکس له ارشیفه.

امريکا ازبکستان د هغو هېوادونو له لسټ څخه لری کړی چې پکې د مذهبي برداشت بد ترينه حالت دی.

د امريکا د بهرنيو چارو وزير مايک پامپيو د ازبکستان لخوا د مذهبي برداشت په لړ کې د شوو پرمختګونو يادونه د جون پر ۲۱مه پر داسې وخت وکړه چې نوموړي د مذهبي ازادۍ په اړه د امريکا کلنی راپور وړاندې کاوو.

نوموړي په واشنګټن کې يوې خبري غونډې ته وويل چې په ازبکستان کې لا هم ډېر کار کول پاتې دي.

خو د ده په خبره په دې ۱۳کلونو کې دا لومړی ځل دی چې ازبکستان د هغو هېوادونو له لسټ څخه لری کړل شوی چې په اړه يې ځانګړې انديښنې دي.

نوموړي زياته کړه: "موږ د رجسټرېشن د لوازماتو په برخه کې اصلاحاتو ته سترګې په لار يو چې دارنګ کېدای شي نورې ډلې په ازادانه توګه خپل عبادت وکړي او بچي له خپلو مېندو پلرونو سره په جوماتونو کې مونځونه وکړي."

پر ایران برید ته ۱۰ منټه پاتې وو چې ما یې مخه ونیوله: ولسمشر ټرمپ

د امریکا ولسمشر ډونالډ ټرمپ.

امريکايي ولسمشر ډونالډ ټرمپ وايي چې د ایران لخوا د امریکا د یوې بې پیلوټه الوتکې د ویشتلو په ځواب کې پر دغه هېواد د امریکا پوځي حملې ته۱۰منټه پاتې وو چې ده په خپله د دې اقدام مخه ونیوله.

ټرمپ د جون پر۲۱مه پر ټویټر په څو پیغامونو کې او وروسته له اېن بي سي ټلي ويژن سره په یوه مرکه کې وویل چې امريکا د بدل اخیستلو ته شېبې شمېرلې خو کله چې ورته وویل شول، پر ایران د برید نقصانات ښايي ۱۵۰ کسانو ته ورسېږي نو دا د ده په وینا د امریکا د سمندري ځواکونو د یوې بې پیلوټه څارګرې الوتکې د ویشتلو په ځواب کې متناسب اقدام نه و.

ایران وايي، په دې اړه کوټلي شواهد لري چې د امریکا بې پیلوټه الوتکه د ایران هوايي حدودو ته ننوتلې وه او ځکه یې وویشته خو امريکا وايي چې الوتکه یې د هرمز تنګي پرسر په نړیوالو اوبو کې ویشتل شوې ده.

په خلیج کې پر څو تېل وړونکو کشتیو د حملو له لړۍ وروسته د واشنګټن او تهران اړیکې د بل هر وخت پرتله زیات ترینګلي شوي او حتی د لومړي ځل لپاره د ایران او امریکا ترمینځ پوځي تقابل دې پړاو ته رسېدلی دی.

افغان ځواکونه وايي په لوګر کې یې نهه وسله وال وژلي

په لوګر کې د افغان ځواکونو عملیات.

د افغانستان د لوګر ولایت امنیتي چارواکي وايي، چې د جون پر۲۱مه شپه وسله والو د یاد ولایت د خوښۍ ولسوالۍ اړوند د باغکي په سیمه کې د سیمه ییزو پولیسو پر امنیتي پوستو بریدونه کړي چې د سرتېرو په متقابلو ډزو کې نهو وسله والو ته مرګ ژوبله اوښتې ده.

د جون پر ۲۲مه د لوګر د امنیه قوماندانۍ ویاند شاپور احمدزي مشال راډیو ته وویل چې په دې بریدونو کې اووه وسله وال وژل شوي او دوه نور ټپیان شوي دي.

د نوموړي په وینا چې په دې بریدونو کې درې سیمه ییز پولیس هم ټپیان شوي دي.

تر اوسه هېڅ یو وسله والې ډلې په دې اړه رسنیو ته څه نه دي ویلي.

د ۲۰۱۹ م کال د ایډورډ آر مورو قامي جایزه ازادې اروپا راډیو وګټله

د رېډیو او ټېلیویژن د ډیجیټل خبرونو اتحادیې دا جایزه له ۱۹۷۱م راهیسې هغو ادارو ته ورکوي چې په برېښنایي صحافت کې یې غوره لاسته راوړنې لرلې وي. ازادې اروپا رېډیو دا جایزه د ټیلیویژن او ملټي میډیا یا وېب پاڼې په برخه کې د ښې کارکردګۍ پر اساس وګټله.

اې بي سي، سي بي اېس، این بي سي، سي این این، یوني ویژن او اي ایس پي این ته هم په دې برخه کې جایزې ورکړل شوې. د مورو جایزې ټول ګټونکو ته به په نیویارک کې د اکتوبر په ۱۴مه د جایزې جام ورکول کېږي. دې سیالیو ته د ټېلیویژن، راډیو او بریښنایي خبریالۍ ۴۶۰۰ نمونې وړاندې شوې وې چې له جملې څخه یې په ۱۶ برخو کې ۱۲۲ انتخاب شوې.

امریکايي ډرون د ایران فضايي حدودو 'سرغړونه' کړې

د ایران فضايي څانګې مشر جنرال امیر علي حاجیزادې د ډرون الوتکې پاتېشوني ګوري چې د دغه څانګې په خبره د تهران فضا کې یې د امریکا ډرون ویشتلی دی. ۲۰۱۹ز کال ۲۱م جون

ایران ویلي کره ثبوتونه لري چې د امریکا بې پیلوټه ډرون الوتکې د جون پر شلمه یې د دوی د فضایي حدودو سرغړونه کړې وه.

د بهرنیو چارو وزارت یې دا بیان نن تر هغه وروسته خپور کړی چې د امریکایي رسنیو په وینا ولسمشر ټرمپ پر ایران د حملې منظوري ورکړې وه خو وروسته پر شا شو. رویټرز خبري اژانس د ایرانيو چارواکو له خولې ویلي چې دوی بېګا شپه د عمان هېواد په لاس د ولسمشر ټرمپ له لوري د برید خبرداری او خبرو ته د کښېنستو پیغام ترلاسه کړ خو اژانس ته ایرانیو چارواکیو ویلي چې سپریم لیډر ایت الله علي خامینايي له امریکا سره د هر ډول خبرو مخالف دی.

امریکایي پوځ وایي، د ۱۶۰ میلیونه ډالرو بې پیلوټه الوتکه یې هغه د ایران لخوا وغورځول شوه چې په هرمز تنګي کې په نړیوال هوایي حدودو کې وه خو د ایران انقلاب ساتونکی ځواک وایي، د امریکا جاسوسي الوتکه یې د ایران په جنوب کې د هورموزګان په صوبه کې له سرو کرښو تر اوښتو وروسته ویشتلې ده.

روسیو پوځي الوتکو د جاپان فضايي حدونو 'سرغړونه' کړې

د روس ټي یو ۹۵ الوتکه. عکس له ارشیفه

د جاپان پوځ وايي، د روسیې دوو پوځي الوتکو یې چې د فضايي حدودو سرغړونه وکړه نو ځکه یې جنګي الوتکې مقابل پرواز ته مجبوره شول.

د جاپان دفاع وزارت د جون پر۲۰مه په بیان کې وویل چې د روس ټي یو پنځه نوي TU ۹۵ جنګي الوتکه د هېواد جنوبي جزیرو ته نېږدې شوې او بیا شمالي برخې ته ولاړې.

وزارت وویل چې دغو الوتکو دوه وارې له اوکې ناوا سره نېږدې د یوې جزیرې په فضايي حدودو کې په داخلېدو سره خلاف ورزي وکړه او د پلازمېنې ټوکیو په جنوب کې یې د یوې بلې جزیرې په داخلېدو هم د دوی د فضايي حدودو سرغړونه وکړه.

د روس پوځ لا په دې اړه څه نه دي ویلي.

سیند کې د رېل ګاډي ټکر کې درې تنه وژل شوي او ګن ژوبل

په سيند صوبه د جون پر۲۰مه د ریل ګاډي ټکر کې ګن کسانو ته مرګژوبله اړولې.

د پاکستان د سيند صوبې په حيدر اباد کې د جون پر۲۰مه د ريل ګاډي د ټکر په پېښه کې درې کسان وژل شوي او ګڼ نور ژوبل دي.‌

د پاکستان سرکاري راډيو د خبر له مخې له کراچۍ څخه ريل ګاډی چې لاهور ته روان و، په حیدرا باد کې له يوه بل رېل ګاډي سره وجنګېد.

په پېښه کې د رېل ګاډي عملې درې کسان وژل شوي دي.‌

نور پورته کړئ

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG