د خیبر پښتونخوا اعلا وزیر په ډېره اسماعیل خان کې د دوو صنعتي زونونو او د کرنیزو څېړنو مرکز پرانیستو اعلان کړی دی.
د پاکستان دولتي راډیو د جنورۍ پر ۱۸مه لیکلي چې محمود خان د جنورۍ پر ۱۷مه، په پېښور کې په یوه غونډه کې چارواکو ته امر وکړ چې د ګومل زام ډیم اړوند د اوبه خور مسلې دې هم هوارې کړي.
دولتي راډیو وايي، وزیراعلا ژمنه وکړه چې په ډېره اسماعیل خان کې د څښلو پاکو اوبو ستونزې حلولو لپاره هم جامع پلان جوړوي.
