د لاسرسي ځای

تازه خبر

بريتانوی پارلېمان له اروپايي اتحاديې د وتلو پر وړانديز وروستۍ رايې ورکوي


د بریتانیا پارلېمان.
د بریتانیا پارلېمان.

ټاکل شوې چې د جنورۍ پر ۱۵مه د بریتانیا پارلېمان برېګزيټ یا د حکومت هغه وړانديز ته رایې ورکړي چې له مخې یې دا هېواد له اروپايي اتحادیې وځي.

دا په ‌داسې حال کې ده چې وزيراعظمې تېريزا مې تر وروستۍ شېبې پورې د دې وړانديز د ملاتړ لپاره د رایو ترلاسه کولو هڅه وکړه.

د بریتانیا د عوامو په جرګه کې نننۍ رایې د هغو هڅو په لړ کې وروستۍ دي چې هدف‌یې د برېګزيټ بریالي کول دي خو زياتره سیاسي کارپوهان اټکل کوي چې ښايي دا هڅې ناکامې شي.

مېرمن مې د جنورۍ پر ۱۴مه خبرداری ورکړ چې که د عوامو جرګه دا وړانديز رد کړي، نو له اروپايي اتحادیې د بریتانیا د وتلو پلان به زیانمن شي.

هغې زیاته کړه چې د دې طرحې رد به د بریتانیا د خلکو له رایې سره خیانت وي.

د روان ۲۰۱۹م کال د مارچ ۲۹مه هغه مهلت دی چې بریتانیا باید په رسمي توګه له اروپايي ټولنې ووځي.

که دا وړانديز نن رد شي، نو د برېګزېټ برخلیک به هم مبهم پاتې شي.

د مشال ځانګړې پاڼې

XS
SM
MD
LG