امریکا وایي له شامه یې د امریکا او اتحادیانو د سرتېرو ویستل پیل کړي دي.
د امریکا د پوځ ویاند کرنل شان ریان د جنورۍ پر۱۱مه په خپره کړې اعلامیه کې ډېر جزیات نه دي ورکړي خو یوازې دومره یې ویلي دي چې له شامه یې په خپله خوښه پوځیانو د ویستلو لړۍ پېل کړې ده.
په اعلامیه کې راغلي، امنیتي تدابیرو ته په پام سره سرتېرووتنې د کره نېټې او ځای په اړه مالومات نه شریکوي.
په شام کې بشري حقونو د څار برتانوي میشته اداره وایي د شام په رمیلین هوایي اډه کې د امریکایي سرتېرو کمېدل پېل شوي دي.
ویل کېږي چې د سرتېرو د وتنې بهیر پیل د جنورۍ پر۱۰مه شوی دی.
د امریکا ولسمشر د ډېسېمبر پر ۱۹ له شامه د سرتېرو د ویستو اعلان کړی و.