بنو - د شمالي وزیرستان ضلعي انتظاميې ته د داخلېدو لپاره د ۲۰۱۹ز کال د جنورۍ له لومړۍ نېټې څخه د اجازت نامې شرط ختم کړی دی.
د انتظاميې په وينا، اوس هر پاکستانی وګړی چې شناختي کارډ ولري، وزیرستان ته سفر کولی شي.
د شمالي وزيرستان او د خیبر پښتونخوا اوسېدونکو د حکومت د دې اقدام هر کلی کړی دی.
د سيمې يو سوداګر عبدالله خان د جنورۍ پر نهمه مشال راډیو ته وويل، له دې اقدام سره به د کاروبار موقعې هم زياتې شي.
دی وايي، پخوا سفري اجازتنامې ورته یو لړ ستونزې پیدا کړې وې.
په شمالي وزيرستان کې د پاکستان پوځ په ۲۰۱۴ز کال کې د وسله والو پر ضد عملیات پیل کړل چې له کبله یې لاکونه اوسېدونکي بې کوره شول.
تر هغې وروسته، سیمې ته د ورتګ لپاره ځانګړې اجازتنامه په کار وه.
له سيمې د بېکوره شویو تر بيا ستنېدو وروسته د ځايي استوګنو لپاره دا شرط ختم شو خو د نورو سيمو د وګړو لپاره ۲۴ ساعته پېشګي اجازتنامه ضروري وه.
په دې اړه بشپړ د غږ په ځای کې اورېدای شئ.
