د لاسرسي ځای

تازه خبر

د شیکاګو ښار په روغتون کې له ډزو درې تنه وژل شوي


د شیکاګو مېرسي روغتون کې ډزې شوې وې. ۱۹م نومبر ۲۰۱۸

د شیکاګو پولیس وايي، یوه وسله‌وال د ښار په روغتون کې ډزې کړې او د یوه پولیس افیسر په ګډون یې لږ تر لږه درې کسان‌ وژلي دي.

د شیکاګو ښاروال راهم امانویل په وینا د پولیس افیسر ترڅنګ یو ډاکتر او د روغتون د درملتون یو کارکوونکی هم وژل شوی دی.

چارواکي وايي، بریدګر هم مړ دی، خو معلومه نه‌ده چې د پولیسو په ډزو لګېدلی که یې په خپله ځان وژلی دی.

د پېښې لیدونکي وايي، بریدګر هله ډزې پیل کړي چې د ګاډو تمځي (پارکینګ) ته نږدې له یوې ښځې سره روان و او ناڅاپه‌ یې پر همدې ښځې څو ډزې وکړې او وروسته روغتون ته ننووت او ډزو ته‌ یې دوام ورکړ.

د نومبر ۱۹مې ویډیويي خبرونه
تم شئ

هېڅ میډیايي سرچینه اوس نشته

0:00 0:01:30 0:00

XS
SM
MD
LG