د فرانسې ولسمشر اېمانول مېکرون د لومړۍ نړیوالې جګړې د پای ته رسېدو د سلمې کلیزې د لمانځلو په مناسبت په پاریس کې د نړۍ د شاوخوا۷۰ مشرانو کوربه دی.
په دغو مشرانو کې د امریکا ولسمشر ډونلډ ټرمپ، د روسیې ولسمشر ولادېمیر پوتین، د جرمني وزيراعظمه انګېلامېرکل او د ترکیې ولسمشر رجب طیب اردوغان هم شامل دي.
دوی به د نومبر پر ۱۱مه د فرانسې له ولسمشر سره په الیزې ماڼۍ کې مېلمستیا او نورو تقریباتو کې ګډون کوي.
د ۱۹۱۸م کال د نومبر په ۱۱لسمه نېټه لومړۍ نړیواله جګړه پای ته رسېدلې وه. په دې څلور کلنه جګړه کې لږ تر لږه ۱۰ ملیونه پوځيان او ملیونونه ولسي وګړي وژل شوي ول.