د امریکا اټارني جنرل جف سېشنز د ولسمشر ډانلډ ټرمپ په وینا له خپلې چوکۍ استعفا ورکړې ده.
د هېواد د ستر قانون عملي کوونکي په توګه د نوموړي له استعفا وروسته د امریکا په ټاکنو کې د روسیې د مداخلت په اړه د ځانګړي سلاکار رابرټ مولر له خوا روانې پلټنې له بې یقینۍ سره مخامخ شوي دي.
سپینه ماڼۍ وايي، جف سېشنز د نومبر پر اوومه د یو لیک له لارې ولسمشر ټرمپ ته استعفا لیږلې وه چې ولسمشر منظوره کړه.
دې اقدام د ډېموکراټ ګوند غوصه پارولې ده، ځکه هغوي غوښتنه کړې وه چې باید هغه پلټنې دې خوندي کړل شي چې د ځانګړي سلاکار رابرټ ملر ترسره کړې وې.
د امریکا د ۲۰۱۶ز کال په ولسمشریزو ټاکنو کې د روسیې د مبینه مداخلت او د ولسمشر ټرمپ د ملګرو او روسي چارواکیو ترمینځ د ملاقاتانو په اړه د رابرټ ملر په پلټنو د عمل کولو واک د امریکا د انصاف له وزارت سره دی.
