سعودي سرکاري رسنۍ رپوټ ورکوي چې ولي عهد محمد بن سلمان د نومبر پر پینځمه د توانايي متبادلو ذرایعو لپاره د هېواد اولنی اټومي څېړنیز مرکز اعلان کړ.
سعودي چارواکي د خپل حریف ایران د اټومي توانايي پرګرامونو پر مختګ ته په کتو سره وايي، پلان لري چې په راتلونکیو شلو کلونو کې به د ۸۰ اربه ډالرو په لګښت دغه شان نور ۱۵مرکزونه هم جوړوي.
که څه هم سعودي عرب ویلي چې د اټومي پروګرام یواځینی مقصد یې د ګېس او تیلو تر څنګ د توانايي نویو وسیلو ترلاسه کول دي خو په غربي نړۍ کې اندېښنې را پاریدلي چې د سعودي او ایران ترمنځ د اټومي وسلو جوړولو سیالي پیل نشي.
د ایران په څیر سعودي عرب هم وايي چې اټومي پروګرام یې د پرامنه مقاصدو لپاره دی خو سږ کال په مارچ کې محمد بن سلمان خبرداری ورکړی وو چې که ایران اټومي وسله جوړوي نو سعودي عرب به یې هم جوړوي.
