د لاسرسي ځای

تازه خبر

پاکستان کې د ضمني انتخاباتو دوهم پړاو روان دی


په پاکستان کې د ضمني انتخاباتو په دوهم پړاو کې د قامي اسمبلۍ د يو او صوبايي اسمبليو د دوو څوکیو لپاره د رايو اچول د یکشنبې په سهار پیل شوي چې تر ماښام ۵ بجو پوري به دوام لري.

د پاکستان اليکشن کمېشن وياند سهيل احمد مشال راډيو ته وويل چې ضمني انتخابات د قامي اسمبلي د څوکۍ لپاره د کراچۍ په اين ای ۲۴۷، د خيبر پښتونخوا اسمبلۍ لپاره د پيښور په پي کې ۷۱ او د سيند اسمبلۍ لپاره د کراچۍ په حلقه پي ايس ۱۱۱ کې کېږي.

پي کې ۷۱ د شاه فرمان او پي ایس ۱۱۱ د عمران اسماعیل د ګورنری او ۲۴۷ د عارف علوي د ولسمشرۍ دندو سنبالولو وروسته خالي پاتې شوې وي. د انتخاباتي کمیشن چارواکي وايي، هیله ده چې په دې ضمني انتخاباتو کې به له اتو لکو زيات خلک رايي وکاروي.

د ضمني انتخاباتو پر مهال په پېښور او کراچۍ کې کلک امنيتي ګامونه پورته شوي دي او په پولنګ مرکزونو کې دننه او بهر به پوځ تعينات وي.

XS
SM
MD
LG