کمپیوټر ټېکنالوژي، سوداګریزه سمبالښت یا اداري کاروبار (بیزنس اډمینسټرېشن)، انفارمېشن ټېکنالوژي، حسابداري (کاونټینګ) د اوسني دور هغه پرمختللې زده کړې دي چې د بلوچستان غوندې د شاته پاته صوبې باسواده ځوان کهول به یې د حاصلولو لپاره نه یوازې په پاکستان دننه تر لیرې لیرې پسې تلل بلکې وسدار به ورپسې تر لندنه او واشنګټنه هم تلل. خو د تعلیم لنډمهالی وزیر، سکالر او ډاکټر نصرالله خلجی هغه نوم دی چې په کوټه ښار کې یې د دغه تعلیمي ادارو نه یوازې رڼا راوړه بلکې هلته یې د پرل په نامه د یوه انسټیټیوټ بنسټ کېښود. نوموړی مو په "مشال مرکه" کې مېلمه دی چې کوربنه یې انیسه اجمل ده.