د خیبر پښتونخوا د ګوزڼ مخنیوي ادارې په یکشنبه په یوه خبرپاڼه کې ویلي چې په دې صوبه کې به د یوه درې ورځني کمپېن پرمهال شاوخوا ۵۷ لاکه ماشومانو ته څاڅکي ورکول کیږي.
د پخوانۍ فاټا د ګوزڼ مخنیوي ادارې مرستیال مشر ډاکټر افتخار علي مشال رېډيو ته وویل چې په دې سیمو کې به شاوخوا نهه لاکه ماشومانو ته څاڅکي ورکړل شي.
په کوټه کې د ګوزڼ مخنیوې ادارې لخوا په خپور شوې بیان کې ویل شوې چې د ګوزڼ په دې کمپېن کې به په بلوچستان کې شاوخوا ۲۵ لاکه ماشومانو ته څاڅکي ورکول کیږي.
چارواکي وايي، په دې کمپېن کې ماشومانو ته د وټامن اې څاڅکي ورکول هم شامل دي.
