د لاسرسي ځای

تازه خبر

یمن: میلیونونه ماشومانو د لوږې له خطر سره مخامخ دي


د ماشومانو د ژغورنې ادارې « سیو دي چېلډرن » خبرداری ورکړی چې په یمن کې پنځه اعشاریه دوه میلیونه ماشومان د لوږې له خطر سره مخامخ دي.

دا له هغې وروسته ده چې د خوراکي توکیو بیې مخ په لوړېدو دي او د « هدایدا » بندري ښار کې د نویو جنګونو لړۍ پیل شوې ده.

د دغې خیریه ادارې اجرایوي مشره «هېلي تورننګ شمېدت» وايي، جګړې د یمنیانو، پوره یو نسل ماشومان، د مرګ له خطر سره مخامخ کړي دي، کوم چې له بمبارۍ، لوږې او بیمارۍ په ګډون له ډېرو ګواښونو سره مخ دي.

د یمن جګړه په ۲۰۱۵ز کال کې هغه مهال زیاته شوه چې د ایران په ملاتړ کې جنګېدونکیو حوثي یاغیانو د مرکز ( صنعا ) په ګډون د ملک زیات شمېر لویدیځې سیمې ونیولې.

وروسته د سعودي په مشرۍ کې پوځي ایتلاف، د ولسمشر عبدالرب منصور هادي د حکومت چې په نړیواله توګه، په رسمیت پېژندل شوی د ژغورلو لپاره مداخله وکړه.

د یمن جګړه کې نږدې ۱۰ زره کسان چې اکثر یې ولسي خلک دي وژل شوي او ګومان کېږي چې اته اعشاریه څلور میلیونه خلک به له قحطۍ سره مخ وي.

د مشال ځانګړې پاڼې

XS
SM
MD
LG