د خیبر پښتونخوا اعلا وزیر د پېښور بس پروژه بشپړوي
د خیبر پښتونخوا اعلا وزیر محمود خان ویلي چې د پېښور د چټک بس سروېس په ګډون به هغه پروژې بشپړوي چې له تېر حکومته ورپاتې دي. نوموړي د اګست پر ۲۳مه په سوات کې مشال راډیو ته وویل، هڅه به کوي چې د انرژۍ یا توانایۍ بحران ختم کړي. دا تر وزیراعلا منتخبېدو وروسته د محمود خان خپل کلي مټې ته لومړی سفر دی چې د اختر مبارکۍ لپاره ورته د سیمې ګڼ خلک ورغلي ول. د پېښور د چټک بس سروېس یا بي ار ټي د پروژې نه بشپړېدو له کبله د تحریک انصاف پخوانی صوبايي حکومت تر انتقاد لاندې راغلی وو او ان پېښور هایکورټ هم د دې پروژې د ځنډ او د دې ټېکې ورکولو نوټس اخیستی وو. ویډیو وګورئ.